【巴黎奧運】張家朗回港 稱香港精神為永不放棄
（獨媒報導）今屆巴黎奧運，在男子花劍個人賽奪得金牌的劍擊運動員張家朗今早（2日）返抵香港，大批市民在現場迎接。張家朗對蟬聯冠軍感到開心，稱打算給自己的身心放個假，「食返啲香港嘢」，再為下個賽季做準備。他亦感謝香港市民在比賽現場為他加油，指「見到香港嘅區旗喺度係好開心嘅事」。
有記者問及香港精神的涵義，張家朗則回答是「永不放棄（Never give up）」。他表示自己不願意疲憊的心情影響每日訓練，希望自己可以盡全力做到最好，不斷努力。
金牌戰「決三劍」曾引發不少爭議，他說：「對於我嚟講，決賽嘅裁判無問題。」他解釋，每個裁判的判定標準不同「有啲睇腳、有啲睇手」，自己因應裁判做不同的戰術調整。對於劍擊隊近幾年的優異成績，張家朗則感謝前輩「種樹」，令後輩「收成」。
張家朗一行人抵達接機大堂
「決三劍」爭議 張家朗：決賽嘅裁判無問題
今晨約7時45分，張家朗與搭乘同一航班的劍擊隊友何瑋桁現身香港國際機場接機大堂。二人神情輕鬆，與現場傳媒和接機的支持者打招呼。
張家朗展示金牌
有記者問及成功衛冕的心情，張家朗表示：「攞咗金牌好開心，成功衛冕到係自己都唔敢相信，覺得係一件好難以置信嘅事，都係好耐都無人試過啦。」對於網絡上不少觀眾關心他「脷苔厚」，他則解釋是因為當日補充了大量能量啫喱和飲品。
當日金牌戰，張家朗以15:14戰勝意大利選手馬奇（Filippo Macchi），因「決一劍」爭議大量意大利觀眾「洗版」IG。對此，他強調裁判的判罰沒有問題：「喺劍擊嘅世界度，裁判嘅角度就係，基於基本嘅規則入面去有自己唔同嘅理解，可能有啲裁判係睇腳先，有啲裁判會睇手先，我哋會因應唔同裁判嘅習慣作出唔同嘅戰術調整，所以我覺得唔存在黑哨或者偏幫邊一邊，我覺得裁判都係專業嘅，尤其判得決賽嘅裁判一定會有一啲好好嘅過往經驗，先會擺佢喺決賽嗰度，對於我嚟講，決賽嘅裁判無問題。」
感謝劍擊隊前輩 盼下屆團體出線
張家朗蟬聯冠軍，自言十分開心，同時感謝劍擊隊的前輩。他說：「連續兩屆有金牌，係一件好值得開心嘅事，咁亦都證明咗我哋由上一代或者再上一代老嘅運動員種出嚟嘅樹，咁我哋就去收成，我覺得係一件好開心嘅事，唔淨只係我哋呢一代嘅人嘅功勞，其實係每一代人努力去付出嘅嘢。」
問及今屆奧運和上屆奧運的心境有何不同，張家朗坦言分別不大，指不會給自己太大壓力，而是放鬆心態發揮。至於下一屆奧運有何突破，他則希望可以爭取到團體賽出線，甚至創造成績。
2021年，政府撥款9.9億元建香港體育學院新設施大樓，其中包括劍擊館。張家朗指，不同的項目和健身房將進駐大樓，「只不過係時間問題」。
談香港精神 張家朗：Never give up
有記者問及香港精神的涵義，張家朗則回答永不放棄（Never give up）。他稱不願自己以疲勞找藉口，努力訓練，不白費過去的成果。
回到香港，他想先享受一個假期，放鬆身心，並「食返啲香港嘢」，再為下一賽季做準備。至於獎金如何使用，他則表示因比賽前狀態不好，故並未考慮獲得獎金，目前仍在調整、消化得獎後的心情。
他亦感謝在巴黎奧運現場為他加油的香港觀眾，形容自己每一場比賽都能聽到他們的加油聲，見到香港區旗亦感開心。同時，他亦希望大家關注其他運動員：「其實全部香港嘅運動員都好努力咁喺奧運爭取好嘅成績，有獎牌嘅運動員又好，無獎牌嘅運動員又好，其實都值得我哋尊敬，佢哋都付出咗好大嘅努力去為四年一屆嘅奧運爭取最好嘅成績。」
訪問最後，何瑋桁表示：「希望大家繼續支持香港運動員，同埋希望大家多哋參與運動事項。」張家朗亦寄語想要參加運動的香港市民：「參與運動都係開心、健康嘅嘢，大家最緊要就係唔好放棄啦。」
大批市民等待張家朗返港