伍健：基沙文缺席與「美斯事件」非常不同 指馬體會陣容已粒粒皆星
【獨媒報導】傑志今晚與西甲球會馬德里體育會進行表演賽，但對方主力、法國國腳基沙文缺席。對於外界關注重演「美斯事件」，傑志體育會會長伍健認為非常之不同，形容馬體會陣容粒粒皆星，已滿足合約條款，認為如果太聚焦在個別球員是否來港：「咁足球呢啲盛事好難搞，足球係成隊波㗎嘛！我同基沙文係無合約，我同馬德里體育會有合約，馬德里亦都盡量保證能夠俾到好靚仔嘅陣容出嚟。」
在日前的賽前記者會上，伍健指在今年2月提出邀請馬德里體育會訪港，對方答應包括基沙文在內的10名具名氣球員必須來港。不過，基沙文最終因身體狀況不宜作賽未有來港，馬體會在上周五向傑志提交醫療報告證明，並將送出三件球員親筆簽名球衣予球迷抽獎。
資料圖片
伍健：馬體會畀咗兩個好勁嘅球員過嚟 重申對方好有誠意
伍健今早在港台節目《千禧年代》解釋，雖然基沙文、迪保羅未能訪港：「佢係畀咗兩個好勁嘅球員過嚟，一個就係祖奧菲歷斯啦，大家都知道佢個轉會費係高過基沙文嘅，佢嘅1.26億歐元轉會費，歷史上第四個最高。另外仲有個索洛夫，佢係上年西甲第二名嘅射手。我哋最主要就係，佢哋嗰隊波過嚟同我哋打波呀嘛。」
阿根廷球王美斯今年2月率領美職球隊邁阿密國際訪港，但他最終上場，事件引起軒然大波，主辦單位更要向持票的球迷退款一半。伍健亦指當時有負面足球圈情緒：「我哋希望搞返一場波，令到香港嘅球迷有一個滿足感，有一場好好嘅比賽。」他表示，馬體會「都係好有誠意嘅」：「係有兩個球員唔ready，佢就無擺喺度，佢成隊主力放晒喺度。」他認為，今次與「美斯事件」非常之不同：「我哋從來無去market一個球員，我哋唔係charge四千幾、五千蚊張飛，我哋希望與眾同樂。」
資料圖片
強調基沙文只是其中一名球員 伍健：我唔係買佢呀嘛
對於早前宣傳海報印有基沙文的樣子，但最後就未有來港。伍健再三強調，對方只是馬德里體育會的其中一名球員：「我唔係買佢呀嘛！如果嗰個球員喺個海報出現咗之後，佢係唔可以傷傷害性、唔可以轉會嘅，任何原因唔嚟都唔得嘅，都係『貨不對辦』，咁我哋以後搞波就剩係得字喺度，無圖！」
另外，今場賽事獲大型體育活動事務委員會頒授「M」品牌。伍健指在獲得盛事基金資助後：「個門票係好平，大家都afford 到。全場票價係420蚊，其中40蚊係比港超聯賽會嘅青年發展基金。」他認為，420元便能觀賞到13名國腳級球員是物有所值：「我啲朋友話好抵喎。」
伍健最後提到，馬體會亦捐出15萬美元（約111萬港元）予「港超聯賽會青年發展基金」，支持香港足球青訓工作，款項用作發展U22聯賽，形容「佢有啲好嘢」、「留返啲嘢俾香港青訓未來」。