李卓耀：大量年輕人因低薪棄做全職運動員 建議「至少萬幾蚊最低工資」

圖片來源：港協暨奧委會

【獨媒報導】本港全職運動員現時每月標準資助額最低為7,130元，港協暨奧委會義務秘書長楊祖賜日前接受訪問，指全職運動員的教練、醫療及住宿獲「包晒」，7,000多元為「零用錢」。港隊羽毛球代表李卓耀在一個電台節目表示，多年來看到大量年輕人因為低薪，因而放棄做全職運動員，建議「至少萬幾蚊最低工資」，當局可優化現行制度：「犧牲咗一個讀書嘅時間，而投入一個運動，係一個好大嘅抉擇嚟，我覺得可以做好啲。」

按照體育學院現時制度，全職運動員每月標準資助額最低為7,130元，取得奧運參賽資格可列為「精英丙」，每月標準資助為11,520元，在奧運贏得獎牌的「精英甲+」運動員，每月標準資助為44,500元。

現年27歲的李卓耀，自16歲便成為全職運動員，他今早接受商台節目《在晴朗的一天出發》訪問，談到全職運動員低薪的問題：「係，嗰陣時16歲，可以話7,000蚊係零用錢嚟嘅，但係我只可以講，呢樣嘢係睇你自己控制嘅啫。體院包食三餐，住又有得住宿舍，我哋真係可以一個月唔洗用錢嘅。」

李卓耀（圖片來源：港協暨奧委會）

李卓耀指已經唔係零用錢 「要諗點樣升職加薪」

然而，李卓耀認為不能忽略「後面的人」，即每月領取 7,130元的全職運動員，希望市民能夠關注：「唔係淨係永遠都係睇上面A級⋯⋯但A嗰啲，認真講句，有幾多個先？其實有好多人都係喺下面，C、D呢啲咁嘅級別。」

不過，李卓耀亦指「其實呢份係我哋嘅工作」：「已經唔係零用錢，係人工嚟。要諗點樣升職加薪，所以我哋要努力啲去打波！」李卓耀補充說：「大家見到我哋好嗰堆人幸福啫，但唔好嗰堆，有好多。」

李卓耀（圖片來源：港協暨奧委會）

承認今屆成績未如理想 盼培養更好耐性

在節目中，李卓耀承認自己尚未開竅，必須要培養更好耐性，在今屆奧運分組賽第二場對中華台北選手周天成的時候，明顯失去耐性。他認為自己的歷練不及周天成，對方已連續三屆參賽，比賽的精神面貌亦很強。

談到首場比賽的墨西哥選手，李卓耀就同意自己輕敵，而今屆奧運最大得著是「無論咩對手都好，都有一定衝擊力」。他表示，自己在領先的時候尤其需要調整，包括如何站穩陣腳贏波。李卓耀總結其今屆表現，以十分滿分給予六至七分，認為成績未如理想，歸咎於仍然「衰衝動」：「賽前諗住一定係攞金，啲人話唔好咁大口氣，一場一場打就算啦，我話唔係呀，去得比賽唔係玩㗎。」

被問到在技術上與前列球手的比較，李卓耀認為是「差唔多」：「係一定有一段距離，就係運用嘅時機，其實都係好關心理、心態。」他最後表示，已開始備戰下屆奧運，日內便出發到外地比賽。

李卓耀（圖片來源：港協暨奧委會）