【初選47人案】多名前職工盟成員旁聽 盼告訴吳敏兒「與你常在」

（獨媒報導）民主派初選47人案今早進行求情，包括多名新界西、新界東的被告。多名前職工盟成員今早到西九龍法院排隊，希望進入正庭陪伴被告之一的前職工盟主席吳敏兒。前執委吳惠靈對《獨媒》表示上星期曾到羅湖懲教所探望吳敏兒，指對方精神不錯：「佢有盼望嘅。好多嘢想同佢講，但探嘅時間有限，我成日話俾佢聽，見唔到我哋唔等如我哋唔喺度，太多人入唔到正庭，我哋會喺附近與你常在，大家都喺度。」

初選47人案被告、前職工盟主席吳敏兒（林若勤攝）

吳惠靈曾任職工盟屬會學校非教員工會主席，但在參與屬會營後才認識吳敏兒更多，到出任執委後有更多合作：「佢好硬淨，由同英航flight，到今日一直都無變過。佢一直面對好多困難，包括工作上，家庭上嘅壓力，都係堅持做正確嘅嘢。」

除此之外，吳惠靈曾兩度參選區議會選舉，她指吳敏兒曾攜同子女為其助選，十分熱心。她認為吳敏兒基層出身，為人細心、包容，在職工盟同事出現分歧的時候，亦會耐心地解釋，及與同事商討：「佢做主席係好恰當，有堅強嘅一面，亦都有人對人包容，每個層面都好理解。」

陳先生則是工黨兼前職工盟成員，同已認識吳敏兒多年。他今早6時到西九龍法院排隊，希望可以入庭旁聽，為吳敏兒送上支持：「點解嚟？佢正直囉，如果佢唔正直，我今日都唔坐喺度啦，仲坐幾個鐘頭？」

另外，陳先生早前到羅湖懲教所探望吳敏兒：「有咩好講呀，宜家都唔需要啦，最緊要保重身體。」他透露吳敏兒狀態不錯，但對方在獲悉涉及國安法的案件，或未獲扣減三分一刑期：「聽到無得減三分一情緒低落啲，呢個肯定。健康各方面無問題。」