【獨媒報導】屠龍小隊等人涉嫌串謀在2019年「12.8遊行」中放置炸彈並槍殺警員案，陪審團早前裁定7名否認控罪的被告，6人全部罪名不成立，僅賴振邦「串謀爆炸」罪成。警察隊員佐級協會主席林志偉稱「我個人嚟講，係比較愕然啲。當然啦，經過法團嘅審判，有咁樣嘅判決出嚟，我哋都要尊重。」他又憂慮裁決結果令市民，尤其年輕人造成錯覺 ：「原來咁樣都係未必會受到一啲刑事責任嘅。」

林志偉接受無綫新聞節目《講清講楚》訪問，被問到對屠龍案的陪審團裁決，他先強調尊重法庭判決：「但正如我哋國安處李sir（李桂華）話齋，之前已經有7個人對呢件案件認咗罪，亦都喺過程裡面有大量證據，包括炸藥、槍械，比較完美完善啲嘅計劃，做呢啲嚴重案件。」

員佐級協會會員同感愕然 林志偉：裁決結果令不少人不敢苟同

談到「屠龍案」裁決，林志偉對裁決結果感到愕然，但認為有討論是好事：「但係我哋都咁講啦，喺社會上有討論係好嘅，包括呢件案件裏面本身嘅案件，包括我哋香港嘅現行制度係點，係好嘅。」不過，他重申警方的說法，即不論結果如何，都十分重視同類案件，並承諾繼續為香港保持安全的社會。

除了個人而言，林志偉稱不少員佐級協會會員亦感到愕然：「我嗰個網絡都比較廣泛啲，除咗自己嘅同事之外，出面啲社會人士都有對我反映一啲呢件事嘅發展，點解結果係咁樣。」他認為裁決結果令不少人不敢苟同，惟再三強調社會上引發討論是好事。

憂裁決結果令市民有錯誤演繹 七一、六四仍採最高戒備

林志偉亦重申，同案7名被告較早前已認罪，即某程度已確立事實，但不認罪的被告經審訊後「卻發展出咁樣嘅判決」，會令部份人有錯覺：「既然有啲人認咗罪啦，呢件事確實咗一啲出現嘅情況之後，竟然係可以繼續做咁一啲咁樣嘅嘢，經審訊之後係唔會入罪嘅話。我恐怕會有一啲人，對呢件事件有錯誤嘅演繹詮釋。」他憂慮今次裁決結果會令香港大部份市民，尤其年輕人：「原來咁樣都係未必會受到一啲刑事責任嘅。」

談到《基本法》第23條立法，林志偉指在法律依據已較充實，但警員在日常執行職務時，特別是重大日子即七一、六四的時候，仍要採取最高戒備：「過去幾年仲有啲人喺網上鼓吹一啲好隱喻，或者係踩界式叫啲人出嚟，做一啲類似2019年嘅嘅嘢。」除了法例， 林志偉認為警隊的裝備、同事的訓練，及警覺性亦同樣重要。

透露上屆政府曾取明顯進度 重申立法為執行權力時不應被人侮辱

對於推動「侮辱公職人員罪」立法，林志偉稱這是員佐級協會的重點倡議工作，多年來一直向公務員事務局及保安局提出。現屆政府改組後，現時改由民政及青年事務局負責。他透露原在上屆政府就立法取得明顯進度，但卻遇上2019年社會事件及新冠疫情，強調會繼續努力推動。

林志偉重申，立法目的為警員執行權力的時候不應被人侮辱：「當然我哋處理一啲事件嘅時間，有啲市民好激氣，好炆憎嘅情況下，對我哋同事宣洩不滿，呢啲某程度上嚟講我覺得係情有可原，可以接受嘅。而唔係蓄意去挑釁，用一啲粗言穢語，或者侮辱式、侮辱性嘅說話去攻擊我哋同事。」