陳晉一冀在申花站穩陣腳 「將學到嘅嘢帶返嚟、令港隊成績越嚟越好」
【獨媒報導】港足飛往斐濟出戰三角賽，一眾球員今早在將軍澳足球訓練中心作操練，並與新任主教練韋斯活見面。早前轉投中超上海申花的港隊後衛陳晉一，成為傳媒焦點。陳晉一在訓練後接受記者訪問，盼能在上海申花站穩陣腳：「宜家越嚟越多喺內地踢波，外流嘅球員，相信球隊上下應付作客，或者更好嘅對手都唔會怯場。或者更有爭勝心、展示有競爭力，希望大家都將學到嘅嘢帶返嚟，慢慢令香港隊成績越嚟越好。」
現年21歲的陳晉一，今年6月從傑志轉投上海申花，早前更在對北京國安的足協盃賽事入波，內地傳媒亦廣泛報道。談到在上海申花漸漸取得上陣機會，及接連取得入球，陳晉一謙稱狀態正在上升，指今年接連參與傑志及港隊的賽事，曾一度出現疲態，在加盟上海申花後需時適應新環境：「教練隊友都好好，俾我去融入，令我去熟習上海，不論球場內、球場外。」
加盟申花後曾感迷失 進入更衣室已感球隊良性競爭
在加盟上海申花後的首個月，陳晉一的上陣機會不多，他指當時曾感到迷失：「唔知點樣應對，始終陌生嘅環境。你一踏入個更衣室，就feel到良性競爭嘅氣味好重。」
此外，陳晉一指中超賽事的體力要求亦較高：「比較快嘅比賽仲融入緊、適應緊，始終外援，甚至本地球員都好高水平，自己都好有幸踢到呢啲比賽，上海打吡、國家打吡。遇到嘅對手唔係咁容易對付。」
陳晉一：實力與隊友仍有距離 盼能「威脅」隊友
上海申花現時正追趕上海海港，力爭壓倒同市宿敵贏得中超冠軍。陳晉一亦稱爭標有一定壓力，而在主場、作客賽事均有不少球迷：「尤其主場，暫時好似未經歷過少過3萬人嘅比賽。」
至於在內地爭標球隊，及香港爭標球隊效力的分別，陳晉一就認為，自己實力與申花隊友仍有一段距離：「始終同位置競爭都係國家隊，球隊總共有8個國家隊（國足成員），要爭正選唔容易。希望會至少俾到威脅佢，大家有個良性競爭。」他形容，香港相對「成件事無咁大」，目前會爭取在球隊站穩陣腳，再爭取其他獎項。