【港超聯】35歲九龍城隊長再入選港隊名單 曾錦濤：我同歐冲都得，希望後生嘅繼續努力

【獨媒報導】在周日上演的港超聯賽事，九龍城絕殺擊敗均業北區取得聯賽首場勝仗。九龍城隊長、35歲的曾錦濤，早前入選港隊最新的51人初選名單，他在賽後成為了傳媒的焦點。曾錦濤表示會以平常心面對，先聚焦替九龍城爭取更好成績。談到好兄弟歐陽耀冲亦在日本職業聯賽首次上陣，曾錦濤就稱，希望能夠成為年輕球員的榜樣：「我同歐冲都得，希望後生嘅繼續努力！」

對於再次入選港隊名單，曾錦濤對《獨媒》稱會以平常心面對：「平常心面對啦⋯⋯始終都係初選啫。少少開心，好似有少少鼓勵。」不過，曾錦濤補充稱，會先聚焦九龍城的賽事：「我入唔入到決選，就順其自然，都係focus喺隊波度。」

先後效力傑志東方理文 贏盡所有本地賽事冠軍

現年35歲的曾錦濤早在2006年便出道，先後效力香港08、華家堡、傑志、東方及理文，去年與理文約滿加盟甲組的九龍城。當外界以為曾錦濤正要退下來的時候，他跟隨九龍城升班，再戰港超聯。

曾錦濤表示，九龍城頭兩場表現不俗，但卻未能取勝兼犯錯：「我哋個個都好集中，為咗今場賽事，隊波開始進步，希望見到今日，大家終於好似攞返寶貴嘅3分⋯⋯真係好難形容，因為大家呢個禮拜都好認真，好focus呢場賽事。」說到這裡，曾錦濤一度眼濕濕。

2009年東亞運金牌成員 僅5人仍征戰職業足球

球迷都叫曾錦濤「主席」，在職業生涯期間，他曾先後為傑志、東方贏得港超聯冠軍，足總盃、高級組銀牌、聯賽盃亦早已贏過，更是2009年東亞運金牌成員。在當年的金牌成員名單中，便只有隊友李瀚灝、葉鴻輝、歐陽耀冲、梁振邦及曾錦濤，仍在職業足球打滾。

歐陽耀冲昨日代表J3球隊讚岐釜玉海後備上陣，成為歷來首名在日本職業聯賽上陣的香港球員。曾錦濤表示，與「歐冲」是多年好兄弟，在多個朋友群組都有恭喜他：「佢外流第一場，由後備入替少少時間開始，希望佢陸續有機會，始終好難一開頭有正選，一步一步嚟，希望有更多上陣機會。」

平常心面對入選 盼成年輕球員榜樣

在足總公布名單後，有網民看到曾錦濤的名字後，便笑言以為時光倒流至2015年。曾錦濤亦對入選感到意外：「始終頭兩場都失得多波，講認真嗰句，都唔係踢得好好。同始終都一把年紀，你見其實宜家好多後生都入選，所以都係平常心面對，入唔入到決選都係之後嘅事，我都係集中隊波先。」

曾錦濤最後表示，希望自己能成為年輕球員的榜樣：「無論你咩年紀都好，都要有專業嘅態度，無時無刻都要認真，唔好放棄。唔可以求其對待每一個練習，每一個比賽。」