順利邨現國旗海 有居民稱太刻意、好門面

【獨媒報導】今年是中華人民共和國成立75周年，政府除了舉辦多項慶祝活動，亦於全港各地添置裝飾，當中順利邨利明樓的天井走廊便掛滿國旗「一片紅」，形成旗海。《獨媒》今午到順利邨視察，有市民駐足拍攝國旗，認為該裝飾「特別」、「震撼」，希望其他節日亦能設同類裝飾，但指「唔一定國旗嘅，咁可以掛好多唔同嘅嘢」，亦有居民反指裝飾「太刻意」、「好門面」。

《獨媒》下午到順利邨視察，當中只有利明樓在天井及走廊舖天蓋地掛滿國旗，估計整幢樓有超過400面國旗，並有不足市民駐足舉機拍照。運輸及房屋局於2022年回覆立法會質詢時曾表示，房委會會配合不同議員或地區團體申請在節慶日期間使用旗桿及屋邨內的公眾地方展示國旗或區旗。

區議員符碧珍向《獨媒》表示，今次掛國旗活動是由九龍東潮人聯會申請，並與地區義工一起完成。她續指，全邨只有利明樓首次有國旗裝飾，由9月30日早上10時起懸掛，直至翌日下午3時，國旗分佈橫跨2樓至24樓，每一層都有20面國旗，總共460面國旗。翻查資料，九龍東潮人聯會自2019年起便在七一及國慶自發組織掛國旗，其中坪石邨更多次成為「國旗打卡熱點」。

李先生

市民倡不同節日掛不同裝飾

李先生昨日曾到尖沙咀拍攝國慶活動的街況，今日他亦攜帶相機前來利明樓拍攝於天井內的國旗，指該設計「都幾特別」。他更認為，其他日子亦可多設同類裝飾「開心啲」：「除咗國旗之外可以擺其他嘢嘅，即係中秋節擺下燈籠、新年又可以掛下揮春，即係唔一定國旗嘅，咁可以掛好多唔同嘅嘢。」

黃先生

黃先生則表示昨日因工作未能參與相關的國慶活動，故今日特意前來拍攝裝飾。他以「震撼」形容國旗海，「好少咁嘅場面」，並希望在「特別日子」例如七一、十一多設這種裝飾。

姚小姐

在順利邨居住數年的姚小姐，指邨內今年首次設有國旗裝飾，「見到好多人行過嚟就喺度影相，我自己都有」。她認為在其他節日亦能設置這類裝飾，有助營造氣氛，「其他有氣氛嗰啲（裝飾）都ok㗎，唔係話一定要擺國旗，國慶係一定要擺國旗啦，咁樣好啲啦，但其他過春節、好似中秋嗰啲就燈籠之類啦」。

有居民指裝飾「太刻意」、「好門面」

不願露面、居住已10年的陳小姐就「唱反調」，認為裝飾「太刻意」：「我冇諗過原來一個屋苑係需要咁誇張去整呢啲嘢，好門面囉。」她續稱，僅此樓宇有這類裝飾「係好表面嘅功夫」：「有心想慶祝或者係想支持呢個節日嘅人其實都唔需要靠呢啲嘢啦。」