港足歐洲回港 費蘭度稱改踢左中堅「無問題」
【獨媒報導】香港男子足球代表隊日前遠征歐洲進行友誼賽，以0：1不敵列支敦士登，球隊今日上午回港。新任主教練韋斯活「地標戰」排出新陣式，起用年屆37歲的費蘭度任擔任左中堅及後場自由人。費蘭度表示是新挑戰，但認為「無問題」，已適應踢法，並很享受新位置：「我覺得對我嚟講係無問題，我都係聽教練同我講佢想要咩，嘗試享受同幫隊波。我覺得我哋做得好好，雖然我哋攞唔到分，但我覺得我哋係向好嘅方向，教練亦都有好好嘅想法，我諗佢喺場上會再做調整。」
港隊上午約九時步出機場，現場有零星球迷迎接。前暫代主教練盧斯爾跟隨在隊伍之後，不過新任主帥韋斯活、杜度、史提芬彭利拿及助教團則因機位不足需改乘另一班航班，預計同日中午從泰國轉機抵港。港隊返港齊人後將進行首課操練，下周二（15日）在香港大球場主場迎戰柬埔寨。
費蘭度稱球隊需時適應新戰術
韋斯活首場領軍便排出奇陣，正選後防線起用周緣德、鐘樂安、費蘭度及陳晉一，其中費蘭度以自由人角色游走中後場，並客串左中堅，表現獲得好評。下月便滿38歲的費蘭度對《獨媒》表示，曾經在傑志出任左中堅數分鐘，今次是首次以此位置完成整場比賽，並認為是個新挑戰：「教練之前有同我講過，有同我傾過，我同佢講『無問題』。我嚟呢度係為咗幫隊波、幫佢，同埋為香港而比賽。我唔會介意我踢嘅位置，或者點踢，我只係想盡我嘅能力幫隊波。」
對於新帥韋斯活主張的「控球在腳」，費蘭度坦言與前主教練安達臣的逼搶踢法非常不同，只有數天集訓時間或不足以令球員適應：「我哋全部球員都理解佢想我哋點樣踢，我覺得我哋可以改善，下次返嚟100%會更好，因為佢好知佢想要咩，亦都喺場內俾咗好多自由球員去享受，我覺得對全部球員嚟講都會踢得好舒服。」
茹子楠：以平常心接受教練安排
常規正選右閘茹子楠上場先列後備，下半場才出場。他就向《獨媒》稱以平常心接受教練安排，尊重他的決定：「咁每一個教練都有自己嘅戰術，可能呢個陣容我又未適合擺入去，咁佢放我喺後備我又覺得冇咩問題，新教練就自己爭取下，希望融入到佢新嘅戰術度。」
他形容韋斯活的踢法「新穎」，但認為對自己而言不難適應，亦喜歡此踢法：「控球在腳，一路以嚟大家都會想睇到，呢次係慢慢第一步嘅開始，係新嘅開始。」他又提到韋斯活在球場及訓練中，每一部份都會跟球員討論戰術，相信對大家適應有幫助，期望球隊下一場能做得更好。