莫華倫批政府推盛事經濟忽略藝術發展 嘲「無人機表演、夜市就叫做有文化？」
【獨媒報導】政府推動一系列活動推廣旅遊及刺激經濟，包括舉辦市集，及多場無人機表演。「中國三大男高音」之一莫華倫接受訪問時就批評，特區政府標榜香港是亞洲國際都會，在推動盛事經濟的時候，忽略藝術文化發展：「唔該你文化應該跟埋上去啦，你淨係紙上談兵，淨係放啲無人飛機，咁就叫做有文化啦咩？Sorry，喺灣仔擺嗰啲夜市，擺一個月，咁就叫做有文化啦咩？」
資料圖片
莫華倫：香港申請藝術資助尤如「囈契弟」
莫華倫接受恒生大學傳播學院訪問，先講述其曾到德國發展歌唱事業，指當地政府非常支持音樂：「所有歌劇院係政府百分之百支持，OK？唔洗好似我哋香港歌劇院，乞衣咁乞，俾多啲資助啦，囈契弟咁囈，人哋係百分之百政府資助，係納稅人嘅錢支持一個歌劇院、一個藝術。」
他認為歌劇已是全球普及化的文化藝術：「大家唔好將歌劇擺得咁高，覺得高不可攀，要俾啲有修養、有文化嘅先欣賞。」
強調作為全國政協委員 批評是為香港好、國家好
政府推動盛事經濟，在全港多區舉辦市集，旅發局早前亦舉辦多場無人機表演。本身是選委會委員的莫華倫認為，特區政府既然標榜香港是亞洲國際都會，應同時推動藝術文化發展：「唔該你文化應該跟埋上去啦，你淨係紙上談兵，淨係放啲無人飛機，咁就叫做有文化啦咩？Sorry，喺灣仔擺嗰啲夜市，擺一個月，咁就叫做有文化啦咩？」
莫華倫更喚恒生大學傳播學院，切勿剪走該片段，「俾香港政府聽呀」，並強調自己「講嘢好大膽」，指自己作為全國政協委員：「為咗香港好，為咗國家好，所以講嘅係實話。」
大讚康文署 今年製作京劇元素《杜麗朵》
在2003年，莫華倫創辦香港歌劇院，翌年推出《茶花女》，慨嘆藝發局當時「一分錢都唔俾」：「嗰陣時問政府攞錢，一分錢都未有，因為佢話你都未有成績。」不過，莫華倫就大讚康文署是全港最好的部門，一直很支持香港歌劇院工作，而藝發局的新領導班子，包括主席霍啟剛現時亦十分支持他們。
談到香港歌劇院的收入來源，莫華倫指三分一為政府資助，另外三分一為票房收入，餘下則來自私人捐款。他主動談及盛事基金，全球著名歌劇院為紀念浦契尼逝世100周年均上演《杜麗朵》，其香港歌劇院斥資逾千萬元，邀請來自北京的團隊融入京劇元素的全新版《杜麗朵》。
向盛事基金申請1,500萬僅獲批70萬 促交代原因
另外，莫華倫早前向文化藝術盛事基金申請1,500萬元，卻僅獲批70萬元，形容「攝牙罅都唔夠啦」：「今次我諗住整大佢啦，多啲宣傳，吸引大灣區遊客、世界遊客啦，向盛事基金申請資助啦，係咪先？滿懷信心，諗住一定有機會啦，作為香港盛事啦。上去interview做咗好多程序，最尾俾咗雞碎咁嘅錢。」
他最後更發火，批評盛事基金未有交代理由，「我啲製作好貴㗎嘛」，促對方交代詳情，更反問：「歌劇唔係盛事咩？」