【立法會選舉】保安局及紀律部隊誓師谷投票 鄧炳強落區派傳單

【獨媒報導】立法會換屆選舉將於12月7日投票，為令投票率「做到最好」。保安局、六支紀律部隊、兩支輔助部隊及監警會，今日（11月8日）舉行誓師大會宣傳投票，保安局局長鄧炳強亦落區派傳單。他在大會上稱「反對派喺議會嘅時間，無一樣嘢係做到，喺度內耗，十年都通過唔到一啲重要法例，令好多同民生有關嘅法例都唔能夠通過」，讚揚「完善」後立法會議員優質，除給予「有用」意見，亦順利通過多條法例。

誓師大會逾400人出席

誓師大會在銅鑼灣紀律部隊人員體育及康樂會舉行，逾400人出席，除保安局局長鄧炳強外，警務處處長周一鳴、入境處處長郭俊峯、海關關長陳子達、消防處處長楊恩健、署理懲教署署長吳超覺、政府飛行服務隊總監廖嘉俊、民安隊署長羅仁禮、醫療輔助隊總參事黃英強，以及監警會秘書長梅達明等皆在席。

大會上，紀律部隊及輔助部隊首長輪流發言，一致呼籲公務員及市民投票。保安局局長鄧炳強表示，立法會除了「俾意見」政府外，亦能攜手「做實事」，而紀律部隊站在執法最前線，「好嘅法例」對執法非常有效。他重申「企得喺度全部都係自己人」，呼籲大家上下一心宣傳投票。

警務處處長周一鳴表示，現屆立法會高效嚴謹審議《維護國家安全條例》，警隊成員應履行公民責任，選出真正愛國愛港及能幫助整個社會的議員。

警務處處長周一鳴

監警會秘書長改篇《哪吒2》名言「我命由我要投票」

入境處處長郭俊峯提出「四個確保」，稱要確保同事成功投票、確保正面資訊有效傳遞、確保同事踴躍參與對內外宣傳活動，以及確保日常出入境工作有序有效執行。

入境處處長郭俊峯

政府飛行服務隊總監廖嘉俊則以「導航行動」形容投票，指飛機起飛前要有清晰指令，導航系統要穩定及可靠才達致安全，「每一張選票都係指令，為咗香港設定航道，確保社會穩定發展昌明。」「我哋都係親自起飛，咁你哋都要盡市民責任，親自投票唔好靠自動導航系統。」

政府飛行服務隊總監廖嘉俊

監警會秘書長梅達明先感謝鄧炳強邀請，笑言「我哋睇投訴係睇證據事實嘅，投票呢市民就要睇候選人政綱同埋遠見」。他指每張選票決定社會的未來，「哪吒就話『我命由我不由天』，我哋話我命由我要投票。」

監警會秘書長梅達明

結束後鄧炳強緊接到深水埗海達邨，向市民派發選舉宣傳單張，並贈送毛巾及手機支架，呼籲他們12月7日選出愛國愛港立法會議員。他另與年青人一同拍攝「12月7日齊投票宣傳片」，歷時約25分鐘。