【獨媒報導】港足在亞洲盃外圍賽賽事，移師啟德體育園為主場，近兩場賽事皆於短時間內售罄，包括下周二（11月18日）生死戰迎戰新加坡。對新加坡一仗，更是於80分鐘售完，有球迷大呻「搶唔到飛」，不少熱血球迷憂影響打氣氣氛。足總雖然已預先向兩個非官方港隊球迷會，包括香港力量及波台黐線佬，安排優先購買球迷區首兩行座位，不過兩個組織各僅有54張門票。

香港力量負責人恆仔認為，往後賽事可以連場套票形式售賣，指今次三場外圍賽賽事均較遲決定啟德舉行，「如果一早知道比賽場地係邊度，三場套票咁賣會唔會係一個方法呢。」波台黐線佬成員Calvin亦同建議以連票形式發售，令熱血球迷較易購得門票。

昨日港足友賽柬埔寨，入場人數僅7,480人，足總特意安排成功購買友賽柬埔寨門票的首500名球迷，優先預購2張對新加坡的門票。

DSC_7873

DSC_8831

DSC_8816

香港力量恆仔：曾研包區購買門票

如何令熱血球迷更易買飛？香港力量負責人恆仔向《獨媒》表示，曾與足總研究不同方法，但理解足總有成本等考慮，「佢哋都係好想球迷區會嗌嘅球迷」。至於是應優先讓球迷會成員購票？恆仔指曾研究包區購買球迷區的門票，惟球迷會難以先繳付10多萬，現時做法雖然未必最好，但認為「呢一刻大家都用盡咗方法，試下令啲嘢做得smooth啲。」他又認為，港足的正式賽事應獲優先安排場地，「其實呢啲球賽，啟德係咪有責任預留俾足總呢？」

Untitled

另一球迷會波台黐線佬成員Calvin向《獨媒》表示，在對印度賽後與足總溝通，獲預留球迷區首兩行座位予球迷會，「個54係夠自己core members同helpers入到去」。他同支持連場套票做法，雖然不能排除「黃牛黨」，但相信會令球迷較容易買票。

波台黐線佬：入球迷區應尊重玩法

熱血球迷未能購入球迷區門票，被指影響打氣氣氛。Calvin表示不會標籤新或舊球迷，「入得去球迷區就應該respect返球迷區嘅玩法，即係我唔介意你唔識唔熟，但at least你要有俾過心機去嘗試。」他強調如入場觀眾只為單純享受氣氛「就唔太OK」，而球迷區之所以吸引主要是營造到氣氛，「無人營造個氣氛嘅時候成件事咪會本末倒置咗。」

Untitled

恆仔則指不會硬性要求觀眾在球迷區必須投入打氣，「呢個係香港文化，始終大家見氣氛好都會想嚟感受下，調返轉都未必係壞事，正正都係我哋想做嘅嘢，你都想食個氣氛先至會嚟嗰個區。」