【獨媒報導】政府常言及，新一屆立法會象徵「由治及興」關鍵起點，公務員的參與程度對谷高投票率至關重要。政務司司長陳國基在港台訪問表示，公務員應該以身作則支持政府，起「示範作用」。他反問，若果政府舉辦的選舉，政府人員都不參與， 「咁你覺得係咪好好笑呢？人哋會話：喂！你政府搞乜鬼啫！」他認為此現象「係唔啱嘅」，公務員比起一般市民，有「多一份責任」投票。

陳國基在訪問中表示，香港的國家安全問題「基本上解決咗」，接下來的問題是如何令香港興盛，而立法會在此中扮演重要角色。他指立法會功能包括監察政府、傳達民意、制訂法律和改善政策，市民應該踴躍投票，選出心儀的立法會議員。

指議員一做四年 籲市民揀自己心水

他在新城電台的訪問中更言，「坦白講，高投票率又選到出嚟，低投票率都選到出嚟，問題係：高質素立法會先係重要」，他指議員「唔係做一日、一個月，係做4年」，籲市民選一位可反映自己意見的議員晉身議會。

對於公務員角色，陳國基表示由政府組織的大型立法會選舉，「公務員係一定要支持嘅，仲要係以身作則，作出個示範作用。」他反問如果政府舉辦選舉，「政府自己嘅人員都唔選嘅，唔去參選，唔去投票嘅，咁你覺得係咪好好笑呢？人地會話：喂！你政府搞乜鬼啫！自己嘅人都唔去投！」他表示「呢個係唔啱嘅，公務員應該去投票」，而且公務員比其他市民多一份責任，政府亦鼓勵公務員投票。

稱絕不過問公僕「有無投票，投咗邊個」

是否意味公務員不投票有後果？陳國基在新城訪問面對類似問題，主持人表示過了12月7日，政府內部不應出現二元分化，公務員不應申報有否去投票，但不回答就會被當作未有投票。陳國基回應稱「絕對唔會有呢種情況出現」，公務員不會被查問「『你有冇投票、你投咗邊個』，我哋唔會問，亦唔會」，政府的角色只是鼓勵投票，他希望所有選民都踴躍投票。

版權: 
禁止衍生