【立法會選舉】港島西選舉論壇現「火花」 楊哲安揶揄候選人告急「都未跑就喺度嗌苦」
【獨媒報導】政府舉辦的「愛國者同心治港」選舉論壇踏入第6日，今日（11月15日）首場為在香港公園舉辦的香港島西地方選區論壇。在個人政綱介紹環節中，自由黨楊哲安先指5名候選人中有3名為現任「大政黨立法會議員」，不點名揶揄「唔係嗌嚴峻就話告急，都未跑就喺度嗌苦」，表明自己堅決不告急，認為「投票唔係因為吹出嚟」。楊哲安在辯論環節再與陳學鋒「針鋒相對」，陳學鋒先出擊提問對將中環海濱長廊打造成「新蘭桂坊」的看法，楊哲安回應指「唔可以擾民」，建議可嘗試「又蒲又唔可以嘈Silent disco」，陳學鋒則反擊「講起蒲我嘅經驗肯定冇哲安咁多㗎啦。」
楊哲安暗諷候選人告急「都未跑就喺度嗌苦」
香港島西地方選區，5名候選人中有3人為現屆立法會議員，包括新民黨陳家珮自選委會轉戰接棒葉劉淑儀、爭取連任的民建聯陳學鋒，以及勞工界轉戰的工聯會郭偉強，意味至少有1人無法連任，另外兩名候選人則為自由黨楊哲安及鄉事派的黃秋萍。陳家珮及郭偉強已先後告急，陳學鋒則籲「集中票源」。
在個人政綱介紹環節，楊哲安先介紹自己是2019年中西區區議會唯一勝出的建制派議員，亦稱是香港島西選區中唯一擁有政商地區經驗的候選人。他指參選是希望求變，「香港要變首要條件就係議會要變，舊嘅唔去新嘅點嚟」，又引述未有投票的朋友稱「It's no hope」，「我行出嚟就要俾沉默嘅大多數，俾佢哋真正一個選擇。」
他揶揄宣布告急的候選人，指「好多人會覺得現任梗係睇高一線，但係好荒謬就係出咗啲單張，唔係嗌嚴峻就話告急，都未跑就喺度嗌苦。」自己堅決不告急：「相信有智慧嘅香港人投票唔係因為吹出嚟」，「我唔會做number two，我唔係任何人2.0，我係楊哲安1.0，I'm number one。」
陳家珮在個人介紹環節中，續打「葉劉牌」，指新民黨在議會是不可或缺聲音，自己過去15年緊隨葉劉淑儀步伐。郭偉強則打「愛國牌」，指自己2003年首次參選區議會，當時正是愛國力量最艱難、最需要支持的時候。他又指自己已擔任3屆立法會議員，在眾多候選人中最資深。
鄉事派黃秋萍自稱「東涌鄉女兒」，以鄉事委員會主席身份在區議會為地區服務，倡議重推租置計劃及三八婦女節定為法定假期等政策。
楊哲安自稱「俾野豬咬過嘅唯一候選人」
在提問環節中，第2條題目問及如何促進社會各界共同提升衞生質素。楊哲安指市民餵飼野生動物引致衞生問題，建議設立懲罰制度及解決政府部門「推波習慣」，又自稱「我係俾野豬咬過嘅唯一候選人。」
陳家珮則指遊客光顧小食店後，在附近垃圾桶棄置垃圾引起衞生及老鼠問題，建議推動政府善用科技，如引入智能垃圾桶，在滿載後可發出通知。
辯論環節陳學鋒與楊哲安鬥「蒲」
在辯論環節與跟進發言環節，候選人再現「火花」。提及如何平衡海港保護、旅遊發展及民生需要，推進港島海濱發展，陳家珮先建議增加餐飲設施，又提及有綠海龜出現的南丫島，認為可增設海龜保育中心。首輪跟進發言中，陳學鋒回應稱「作為立法會議員必須要聆聽清楚問題內容」，認為應集中討論港島海濱長廊。陳家珮隨後「解釋」指，提及海龜「唔純粹淨係一個（南丫）島」，而是維持生物多樣性，又重申希望海濱增加更多親子設施。
陳學鋒第二輪跟進發言再「發功」，率先「請教」楊哲安，會否同意將中環海濱長廊打造成「新蘭桂坊」。楊哲安「接招」指，不少不懂中文的旅客到訪香港，惟很多地方服務員不精通英文，並以英文反問「How do we plan to service non Chinese speaking resident and tourists when they are here?」，又稱「蘭桂坊喺海濱可以諗吓嘅，但係唔可以擾民囉，而家新嘅嘢又蒲又唔可以嘈，叫做Silent disco，如果冇試過可以去吓。」
陳學鋒則回應指「講起蒲我嘅經驗肯定冇哲安咁多㗎啦」，又指活化海濱長廊需要不同元素，「disco係可以有嘅，酒吧係可以有嘅，唔同國籍嘅人士嚟到service，作為一個參與者都係可以有嘅。」楊哲安最後發言中「和平」結尾，「學鋒頭先有少少同我針鋒相對」，稱「要搞清楚，我係楊哲安新人新作風，我唔係陳學鋒」。
陳家珮指選情的確嚴峻
論壇結束後，《獨媒》向已告急的陳家珮問及選情？陳家珮指「的而且確係（選情）嚴峻」，指坊間很多謠言接棒葉劉淑儀的她已經夠票，「葉太喺2021年嘅選舉有6萬幾票，就算一半過俾家珮，家珮都會贏啦。」不過她重申，上屆選舉只有三名候選人，當中兩名屬建制派。惟今次有五位候選人，競爭激烈，「所以個六萬幾票而家係要5個建制派一齊平均分，即係唔係平均分嘅，各有各支持者」，認為謠言屬謬誤，故貼出選情嚴峻海報，盼向支持者表達「其實家珮唔係贏硬嘅，唔係有葉太一半票就贏硬。」
她又表示告急「其實都唔早啦」，指以往選舉提名期後有較長時間準備，今次則只有約四星期，而宣傳工作並非一步到位，故希望盡早辟謠。
葉劉淑儀今日未有陪同陳家珮出席論壇，陳家珮指新民黨有7人出戰直選，對方忙於與其他候選人「落街」，故今日無法出席。
同樣已告急的郭偉強指，10個地方直選選區區中，只有港島西區有3名現任立法會議員競逐連任，競爭激烈不在話下，「好強嗰啲都講（告急）啦，咁我哋更加有條件去講，我一定唔係第一個講。」
