【亞盃外】網上一片罵聲矛頭直指韋斯活 球迷明言續支持港隊

【獨媒報導】港足昨晚（11月18日）在啟德主場1:2不敵新加坡，無緣晉級決賽周，今場總入場人數為47,762人，場內再現一片紅海。賽後球迷爆發對教練韋斯活的不滿，包括落後下太遲換人。散場時有球迷高呼「Westwood out」，網上亦一片罵聲。有球迷雖對賽果失望，但明言會續支持港隊。

港足在領先一球下葬送好局，球迷對韋斯活上任以來的不滿一次過爆發，包括質疑其自由人戰術、人選及臨場調動，包括昨日在落後下至補時階段，才作出第二次換入調動。前港隊成員鞠盈智在社交媒體更稱「呢個教練早啲滾啦 唔好殘害香港足球啦。」

《獨媒》於完場後訪問球迷，雖然輸波，但球迷熱情不減，仍高呼「We are Hong Kong」。多名受訪球迷皆認為韋斯活換人太遲。

藝人鄭杞瑤Kylie亦有入場，坦言「有啲傷心」，「最尾嗰兩球唔係好應該失，睇得出盡咗全力」，但稱無論賽果如何「我哋永遠都會支持港隊」。她認為韋斯活換人太慢，亦不理解為何不以謝家榮為正選，質疑「呢個moment 換個龍門」，「過往睇咁多年港隊嘅人都會覺得，其實成個陣容好似都好唔同，究竟點解咁樣安排，我會好想知佢點樣解釋。」

已支持港隊逾10年的球迷Wesley同認為韋斯活換人太遲，「70分鐘換人還好，90分鐘換人真係太遲，呢個真係不可接受。」他亦望球員「放膽少少信任多啲隊友」。

身旁的球迷Tom稱「唔開心一定有」，但認為小組賽獲8分不俗，「有贏過，以前唔一定有呢啲機會」。Tom以Dear Jane的 《聖馬力諾之心》鼓勵球員，「一個怕輸嘅人仍會持續鬥爭，告知世人有呢個激憤，所以我覺得香港有呢個精神話俾大家聽會繼續鬥爭。」

球迷Wesley、Tom

支持港隊9年的球迷John直言感到失望，他亦認為教練韋斯活太遲作出換人調動：「如果早少少會好啲」，在補時階段才換入米高及杜度「為時已晚」。他強調會繼續支持港隊。

球迷John

另一名支持港隊7年的球迷歐陽先生嘆「我真係好想香港贏，無論戰術上面我係好失望嘅，但我幾時都好支持香港。」「一定會支持（港隊），因為我係香港人。」他同認為應更早換出米高。

球迷Edmond表示，即使賽果不完美，但認為球員已經搏盡，「唔係香港隊贏波先至撐佢哋，係因為我撐哋先至喺度，總之今日我著住呢件波衫，佢踢成點都好我都係撐香港隊。」