【獨媒報導】港足周二晚主場1：2不敵新加坡，緣盡2027年亞洲盃決賽周。港隊主教練韋斯活賽後解釋起用41歲的王振鵬任正選守門員，是因為另一門將謝家榮向他指承受很大壓力。謝家榮今日在港超聯賽後稱，踢每一場波都有壓力，但強調自己不會退縮：「其實每一場波都有壓力，今場我都有壓力，但係有得踢我點都會想去踢，最後係教練選擇，都無乜嘢需要再講。」他更表明希望落場鬥新加坡：「一定想，個個都想，我諗唔會有人唔想。」

韋斯活在不敵新加坡後曾解釋起用王振鵬因其豐富經驗，並指謝家榮稱在葉鴻輝受傷後，自己承受了很大壓力，雖然兩人在訓練中的表現都不俗，但最後認為王振鵬適合出任正選。

謝家榮於周六的港超聯賽事成為追訪焦點，他賽後向記者稱：「其實每一場波都有壓力，今場我都有壓力，但係有得踢我點都會想去踢，最後係教練選擇，都無乜嘢需要再講。」他重申每場比賽均有壓力：「亞冠二有、港超有，每場波都有唔同壓力我覺得，但係要出賽嘅話，我唔會話要有咩退縮情況。」被問到本身是否想出場對新加坡，他更直言：「一定想，個個都想，我諗唔會有人唔想。」

陳肇鈞：無話對錯 結果就係結果

對新加坡不獲派上陣的陳肇鈞，今日賽後亦談及亞洲盃外圍賽。他指港隊「唔係最容易個組，當然係一個好好形勢之下，出唔到線大家都好失望，但係足球就係咁樣無計。」「咁咪下一屆再嚟過，總要過去向前望，即係聽日太陽照會升起，咁我哋都要面對，終結係咪世界末日？咁又唔係。」

他又提到，球員每月每日皆面對不同挑戰，不會停留在緣盡亞洲盃，亦不會怪罪何人，「無話邊個問題邊個錯，結果就係結果，足球就係咁樣。」至於有傳港隊主教練韋斯活將離任，陳肇鈞則指「等佢出新聞先再講，而家都係猜測。」

大埔下周一將啟程往澳洲，準備周四（11月27日）與澳職球隊麥克阿瑟的「亞冠二」賽事。大埔主教練李志堅稱「準備咗好耐」，盼保留晉級機會，明言會傾盡全力「希望攞到一分得一分。」不過他亦指作客並不容易，「深明球員又好、教練又好、大埔都好，都明白作客係另一個學問，但係係一個好寶貴經驗，我哋會學習盡量去打。」

李志堅：足球員幾時都有壓力

目前大埔在「亞冠二」E組積4分，榜首的麥克阿瑟則有7分。假如大埔今仗落敗，而同組對戰的河內公安及北京國安能分勝負，大埔將提早一輪出局。記者問到李志堅對生死戰有否壓力，李志堅稱「我有壓力我都會出場㗎喎，OK？」有記者聞言即笑指「同家榮講嘅嘢一樣喎。」李志堅續稱，「對足球員anytime都有壓力啦，你問任何一個人都有壓力㗎，問題係有壓力又點呢？我都要打㗎，我都想贏、我都想出場，呢個係我個講法，亦都係事實嚟。」

大埔1:0小勝東區

開賽前大埔及東區在聯賽榜同樣11分，暫列第3及第4位。由於大埔下周中有亞冠二賽事，故派出部分副選上陣。大埔在上半場由保連奴射入領先1：0，下半場並調入費蘭度、帕特華維迪及添姆高夫斯基，不過最終維持以1：0的比數完場，正選上陣的港隊成員之一顏卓彬獲選為今場最佳球員。

版權: 
禁止衍生