【獨媒報導】立法會換屆選舉12月7日進行投票，對於有機構或要求員工出示投票心意卡，行政會議成員、資深大律師湯家驊稱「無問題」，因為只是用作分辨哪些員工有履行投票義務，「作為一個證明我覺得係無問題」。他強調員工有權不接受要求，「佢自己仍然有個決定權喺度」 ：「唔會令人覺得佢係強迫佢要表露投票，或者投票俾邊位。」

有團體及商戶推出優惠，市民在投票後攜心意卡到餐廳可享折扣。湯家驊今早在港台節目《千禧年代》稱，根據選舉條例假若提供利益予他人作誘因不投票，或不投予個別人士便屬舞弊，但喚人投票的因果相當不同：「叫人投票其實係符合公民權利同埋義務，亦都促進對社會更有代表性或者議會代表性係有幫助。」

湯家驊提醒商戶 同張貼個別候選人宣傳海報「要小心」

另外，湯家驊稱不少西方國家包括加拿大、美國及歐洲等都有個別情況出現，即政府為鼓勵市民投票而提供利益，「慣性國際間其他地方都有做」。

被問到有提供投票優惠的商戶，同時在店舖內張貼個別候選人的宣傳海報，湯家驊就指「要小心」，因為容易令人聯想兩者有關連：「有機會構成選舉舞弊，當然如果餐廳貼滿所有候選人，或者好多人、幾個嘅，我覺得引起嘅誤會就可能唔會咁強烈。」他呼籲假若餐廳只張貼個別候選人海報，而又提供投票優惠：「我就希望大家小心啲啦，無謂以身犯法。」

提供優惠影響觀感？ 湯家驊不同意：始終都係選舉宣傳

對於有企業及機構為員工提供彈性工作安排，湯家驊認為鼓勵投票符合公眾利益，「係好事、所以唔會有問題」。至於有機構或要求員工出示投票心意卡，湯家驊同稱「無問題」，因為只是用作分辨哪些員工有履行投票的義務，「作為一個證明我覺得係無問題」。他認為員工有權不接受要求，「佢自己仍然有個決定權喺度」 ：「唔會令人覺得佢係強迫佢要表露投票，或者投票俾邊位。」

主持指坊間有聲音認為，向已投票市民投供優惠或會影響選舉觀感。湯家驊稱不同意，「始終都係選舉宣傳」「希望人投票啫，各式各樣程度不同，今年個程度可能加大一啲。因為上屆嘅投票率唔係咁令人滿意，我覺得無可厚非。你可以話加大咗力度咁就唔好啦，我唔明白嗰個邏輯、道理喺邊度。」

版權: 
禁止衍生