【宏福苑五級火】六旬長者封鎖線外「巡邏」 嘆全副身家化為烏有
【獨媒報導】大埔宏福苑周三發生五級大火，屋苑多幢大廈被波及，至今36人死亡，279人失聯。年逾65歲、居住在宏仁閣的居民李先生身披毛毯在火場封鎖線外圍「巡邏」，他接受《獨媒》訪問時表示，「我睇緊嗰度係咪我個單位」：「化為烏有乜都無晒，最慘係啲重要文件喺屋企，所有珍貴嘢，保單、護照同回鄉證咩都喺間屋。」
宏福苑大火在晚上仍未救熄，大批街坊在廣福休憩處圍觀。李先生居住在宏仁閣低層單位，他接受《獨媒》訪問時稱既憤怒又無奈，更稱曾親眼目睹維修工人在自己單位外食煙：「大維修收天價，燒完之後維修工程仲繼唔繼續？呢間維修公司係咪要負全責呢！」
本港對上一次五級大火，已要數到2008年嘉禾大廈。李先生今早10時外出上班，下午上網看新聞的時候知悉屋苑另一幢大廈起火：「初時以為宏昌啫，都距離五座，點燒都無理由㗎嘛。」
下午發現單位同被波及 向公司要求提早下班
然而，李先生在下午約5時發現，其居住的宏仁閣已同告起火，遂向公司要求提早下班離開：「我咁大個人都未見過，火燭通常都係燒晒一座。」李先生立刻從長沙灣坐車回家，惟在吐露港塞車：「我同公司講，我屋企火燭要走啦。」
在今次火警中，一名消防員不幸殉職。李先生慨嘆「大家都唔想」，並指屋苑有不少長者，而且部分行動不便：「你睇吓，個廳個位嚟㗎，係咪我個單位？唉，X街啦。」
指工程公司須負全責 嘆不敢想像日後維修費用
李先生早年住在廣福邨，自1993年搬入宏福苑，多年來一直與妻子居住，稱一直相安無事。然而，李先生指屋苑大維修在去年7月動工，曾親眼目睹維修工人在棚架食煙，認為宏業建築工程有限公司必須為火警負全責：「要就要天價，而家搞成咁，我俾咗16萬佢維修，搞單咁嘅嘢出嚟。」
李先生最後表示，已不敢想像單位的日後維修費用：「我攞緊傷殘津貼，又攞緊長者津貼，每個月搵萬幾蚊，點算，去邊度搵錢？」