【宏福苑五級火】大學生發起聯署列四大訴求 包括成立獨立調查委員會

（獨媒報導）有熱心市民組成「大埔宏福苑火災關注組」，並就今次火災發起聯署，列出四大訴求，包括持續支援受災居民、成立獨立調查委員會、重新審視工程監管制度，以及全力追究監管疏忽，問責政府官員。他們今日傍晚到大埔墟港鐵站派傳單及收集聯署，發起人之一Miles認為，今次火災是源於制度問題，指以上四個訴求「好基本」，「政府唔應該反對，如果咁都反對嘅話，佢實在太過敏感喇，實在係太唔負責任。」

Miles一行約6人，傍晚6時半起分散在大埔墟站附近派發傳單。至晚上約7時半，他們所印千多份的傳單已派光，有路過市民主動表示可以幫忙加印，「幫你派到去旺角東」。市民對聯署的反應亦熱烈，截至晚上10時半，網頁已收集了逾500個簽署。

批政府以竹棚作「代罪羔羊」 盼市民「一齊做多少少嘢」

今年24歲Miles是大學生。他並非大埔居民，自從大埔宏福苑發生火災後，他過去兩日也有到附近幫忙統籌及分流不同物資站的物資。Miles說之所以發起聯署，是因為昨晚政務司司長陳國基公開稱日後要以金屬棚架取替竹棚，令他感到憤怒：「當冇任何獨立調查開展，而大樓入面連火都未熄滅晒嘅時候，政府已經開始去祭旗、搵代罪羔羊，而個代罪羔羊居然係大家都見到冇冧落嚟嘅棚架嘅時候，我覺得呢樣嘢真係十分之令人憤怒同埋唔開心。」

他表示，希望每一位香港人在接到傳單後，都知道「有人同佢一齊嬲緊、一齊唔開心緊，而我哋作為香港人都可以一齊做多少少嘢。」

「大埔宏福苑火災關注組」發起人之一Miles

發起人未擔心人身安全 市民同意向部門追究責任

傳單上有QR code，可連結到聯署網頁。Miles稱在收集聯署後，暫時未有下一步行動的打算。至於派傳單和接受訪問，他稱未有為此擔心個人人身安全，「我諗擔心唔嚟，我諗我而家有嘅情緒都只係唔開心同埋憤怒，同埋希望呢個情況都會變好。」

曾小姐今日路過車站亦有接過傳單並認真研究，她表示「呢4個訴求當然係應該㗎啦，不過有啲重點佢miss咗」，她認為政府部門多次巡視，竟無法發現維修工人用發泡膠包住窗戶，「呢個咁明顯嘅，唔應該存在嘅practice」，「有啲嘢唔使咩獨立調查」，應要向有關部門追究責任。她表示，回去會認真細看聯署內每一段落，如覺得合適，會向朋友分享有這個行動，「唔會話鼓勵佢哋簽，佢哋認同嘅咪簽囉」。