【獨媒報導】大埔宏福苑發生五級火，大批市民在事發後捐贈物資，並設立物資站。然而，網上今日流傳有關愛隊成員要求接手物資站並要求義工離開，並表示報警投訴義工非法集結。民政及青年事務局局長麥美娟晚上回應表示，部份庇護中心情況混亂，強調庇護中心一般不會讓工作人員以外的人進入，當局必須保護中心內居民的安全及私隱。

感謝外界贈送物資 呼籲「留一留」稍後作配對

民政及青年事務局局長麥美娟、勞福局局長孫玉菡及教育局局長蔡若蓮下午到大埔臨時庇護中心慰問災民，他們在探訪災民後見記者。在見記者的時候，麥美娟先感謝外界贈送物資，但指現時已經足夠，民政處稍後將會推出平台讓外界先行登記，稍後作長遠住宿安排的時候，或需要更多物資及進行配對：「大家可唔可以將而家打算捐嘅物資，稍為留一留，稍後當住戶搬咗去長期住宿嘅時候，我哋再將物資配對同埋安排。」

在提問環節，《經濟日報》記者問麥美娟，關愛隊在今次救災中的角色，並指有市民自發將物資捐到物資站，但網上有消息稱關愛隊成員卻報警處理，並要求義工離開救庇護中心，問消息是否屬實，及現時的人手規模是否足夠處理物資站。

麥美娟指當局在首日已動員大埔區內300名關愛隊成員參與救災，沙田亦提供40名關愛隊隊員及義工，參與庇護中心的工作，參與8個庇護中心及3個醫院在內的支援站，現時當值人員已包括其他區的關愛隊成員，包括荃灣、沙田等。她強調關愛隊成員及義工，要向庇護中心內受影響的市民提供協助。

麥美娟：社會應不分彼此、不分立場協助居民

在物資方面，麥美娟再次感激市民的熱心：「大家都係拎咗好多物資嚟我哋嘅庇護中心，有啲物資其實我哋都唔係一定需要嗰啲物資，又或者嗰啲量已經好多。其實我哋仲要花我哋嘅時間去整理呀，搞到⋯⋯我哋而家嘅首要工作，我想大家諗係咪應該要幫助我哋受影響嘅住戶，盡快得到起碼首先短期嘅住宿安置，同埋佢哋要申請嘅證件等。」

麥美娟呼籲「大家應該不分彼此」：「大家喺協助我哋受影響居民嘅工作上面，大家都係分工合作，有啲喺幕後幫佢哋安排緊搵酒店，做緊大量工作包括登記，有啲可能係物資整理上面，又或者喺物資嘅分發上面，甚至有啲幫佢哋安排緊交通，又或者居民有特別需要，我哋幫佢安排緊，大家都係齊心合力分工合作。」她強調社會應不分彼此、不分立場：「大家一齊去幫我哋受影響嘅居民，每一個都係會願意喺唔同崗位上面出大家一分力。」

強調保護庇護中心居民安全及私隱

記者追問關愛隊報警一事，麥美娟指「有啲情況都係幾混亂」：「我哋一般嚟講，大家如果有知道我哋民政處一般嘅工作，我哋其實都係幾保護庇護中心裡嘅居民，我哋一般都係唔會俾其他人，工作人員以外入呢個庇護中心，因為我哋都要保護庇護中心裡面嘅居民，同埋一來佢哋嘅安全，仲有佢哋嘅私隱。」

麥美娟舉例指，當局昨日在派發1萬元的應急錢時亦遇到困難，因為要確認那些才是宏福苑的居民，強調庇護中心需要有秩序，尤其保護中心的使用者及居民的私隱和安全，「係非常之重要」：「希望大家可以明白，喺呢個時候呢，大家真係真係要為我哋居民，佢哋嘅福祉，呢個先係我哋嘅最首要去保護佢哋。」

東昌街康體大樓庇護中心 有義工陸續將物資運走

《獨媒》晚上7時半隨即到大埔東昌街康體大樓庇護中心視察，有義工將部分物資運走，大樓內1樓和3樓皆鋪設床位供街坊暫住。記者現場可見，地下和3樓仍然擺放民間籌集的物資。此外，大樓外擺放至少350箱海底撈食品，包括自熱飯盒和麵食，並繫上「守望相助，共渡難關，海底撈支援物資」布條的貨車運抵，但晚上有義工將物品運走。

有身穿印有大埔康樂園小區關愛隊背心、在1樓庇護設施當值的隊員李先生向《獨媒》表示，自己已當值30小時，觀察到1樓剩下約10多名居民。李先生表示，暫住的居民已越來越少，不少人已經搬到酒店，因此物資供過於求：「因為已經冇人入住，啲物資點處理？」


李先生

有關愛隊成員指昨物資已爆 稱「阻止唔到啲熱心人士」

李先生續指成員都配戴口罩，原因是擔心「太多人」爆發流感影響長者，「所以都唔想咁多人出出入入，尤其啲長者已經比較辛苦，無謂再有身體上面啲病。」他說昨天物資已經「爆咗」，「阻止唔到啲熱心人士」，義工今日已經將民間物資推走。李先生表示，正常會由社署和非政府組織代收物資，關愛隊負責提供服務，「我哋唔係代收物資」。

至於3樓體育館則仍有部分街坊在場，有民間義工看守大量二手衣服。義工向記者表示目前未清場，據其了解，下午有民政處人員到場，指擔心二手衣服衛生情況，希望清走，最後就不了了之。

版權: 
禁止衍生