【獨媒報導】宏福苑大火致約1,900戶流離失所，不少災民繼續到庇護中心領取生活物資。旺角花園街檔主余婆婆在火災發生後連夜整理逾千件女裝內衣運到庇護中心，她解釋「捐衫捐褲捐錢就好多人捐，內衣褲女人日日都要換，唔一定有人捐」，又指在花園街擺擋多年，亦有來自大埔的熟客：「都賺咗大埔好多人啲錢㗎啦，係咪先，啲人以前嚟幫襯過，咁我幫得到咪幫多少。」

「我喺花園街做咗幾廿年，都賺咗大埔好多人啲錢㗎啦」

75歲的余婆婆昨日（29日）身處用作臨時庇護中心的大埔社區中心，為災民提供內衣。余婆婆在花園街擺檔賣女裝內衣數十載，說自己都有熟客來自大埔：「我喺花園街做咗幾廿年，都賺咗大埔好多人啲錢㗎啦，係咪先，啲人以前嚟幫襯過，咁我幫得到咪幫多少。」

余婆婆說昨天很多人來領取物資，一般每人會取3個胸圍和5至10條內褲，自己就幫忙判斷尺碼：「啲小姐唔識，我一睇就知佢著咩碼」。有街坊拿著胸圍問她是否過大，余婆婆直接說出對方尺碼；遇上有人替別人拿取內衣，余婆婆就問：「佢肥唔肥呀，有冇我咁肥呀？」她指很多人向她表示感謝，祝她身體健康。

憂內衣褲有缺欠 連夜準備

余婆婆回想這個念頭的出現，源於前天突然想到災民的女士貼身內衣褲「日日都要換」，或有缺欠：「捐衫捐褲捐錢就好多人捐，內衣褲女人日日都要換，唔一定有人捐。」她指自己齊備內衣碼數「我嗰啲由34到46碼」，於是連夜準備600條內褲和500個胸圍，並挑選有分裝的款式確保方便衛生，「執到4點鐘先瞓覺」。

由於不懂上網，余婆婆不知道哪裡可以捐贈物資，從小販口中得知大埔社區中心，昨天就先親身前往確認。她不熟悉社區，一度迷路，「幾廿年都冇嚟過呢度，我都唔識，嚟到搵的士站都唔知問咗幾多個人。」在確認中心收物資後，余婆婆才預約客貨車將物資運抵。她說但求運用自己有的資源，略盡綿力。

版權: 
禁止衍生