【獨媒報導】宏福苑火災發生已三個月，昨日（2月28日）是農曆年假後首個周未，國際獅子會中國港澳303區為受災居民，一連兩日舉辦4場四場盆菜宴。首場在啟德過渡性房屋啟福居舉行，逾百名居民天雨下食盆菜。政府日前公布最快四月底安排居民分批回家執拾物品，多名居民最想取回舊照，「我屋企都有人離開咗，呢啲（相片）你係唔會再有」，「首飾嗰啲都算啦，可以買㗎嘛嗰啲，但係仔女嗰啲相係錢都買唔到。」

太太火災中喪生：「你唔會再有返（相片）」

在宏泰閣居住43年的黃先生，其妻子於火災中喪生，表示即使要行樓梯或家中物品已被燒得所剩無幾，亦希望「上去望一望」，「第一係回憶啦，第二你都可以知道實際情況點樣。」他認為當局拍攝單位的安排沒意思：「因為你睇到嘅嘢唔等於我睇到嘅嘢，係咪？」

除了證件及貴重物品外，黃先生最希望取回相片，眼泛淚光稱「你唔會再有返，我屋企都有人離開咗，呢啲你係唔會再有」。問到心情現時有否較為平復？他稱「可以，你今日見到我都幾開朗㗎，人要往前面看，唔好往後面去諗，咁係咁㗎啦」，新年期間亦如常與子女吃團年飯。對於長遠安置方案，黃先生稱會選擇「樓換樓」，以便在九龍灣區工作。

黃先生

居民盼取回家傳之寶、古錢「分十次八次都要上去攞」

住在宏昌閣五樓的居民莊先生，火災發生時從家中逃生，他盼能取回具紀念價值的物品，如媽媽贈送的頸鏈及玉墜。他稱就算政府拍攝單位，「我哋都要上去睇返自己間屋點樣」。

莊先生不選擇原址重建，「我哋唔想呀，我哋覺得好傷心燒咗間屋，想搬出嚟」，同將選擇「樓換樓」方案，「我哋諗住揀啟德嘅，但係唔知抽唔抽到，近啲仔女方便啲。」

莊先生

另一名原居於宏昌閣21樓居民梁先生，就認為政府安排太遲，擔心家中物品已經發霉。他指雖然要徒步上樓執拾，但稱「慢慢上囉，分十次八次都要上去攞」，亦認同必須要斷捨離不會執拾衣物，最想取回珠寶、現金、屋契、心愛的古錢及相片，特別是爸爸留下來的家傳之寶。

有居民坦言「唔敢上去」 兒子堅持回家盼向「42年嘅家園say goodbye」

早前有數百名居民聯署，要求當局安排返回單位取物件。有份聯署、居住宏泰閣27樓莊小姐稱「我哋等咗好耐」，期望能取回具紀念價值物品，最重要是子女小時候的相片，指數十年前未有數碼相機，僅得實物照片留念，「首飾嗰啲都算啦，可以買㗎嘛嗰啲，但係仔女嗰啲相係錢都買唔到。」

莊小姐

莊小姐坦言不敢回家，認為政府協助拍攝單位安排不錯，「我就可能唔敢上去，因為見到自己屋企燒到咁肉酸，咁就會留咗一個痛苦嘅印象。其兒子則堅持回家，盼向「42年嘅家園say goodbye」。

莊小姐原本居住啟福居，但由於3月開始需要繳付租金，120多平方呎的單位需近5,000元租金，認為「唔抵」，暫時搬到兒子家中同住。她又表示未決定長遠居住安排，指「樓換樓」雖然可選擇九龍灣及啟德，但稱「應該好少（單位）㗎咋，即係好似抽六合彩咁，先抽到你心儀、鍾意嗰啲㗎。」她明言不會考慮偏遠地區，暫傾向現金賠償方案。

營運啟福居的齊惜福，其創辦人梁唐青儀指，高峰期曾居住500名災民，及後陸續有災民遷出，目前仍有400多名災民居住。

無標題