【獨媒報導】有大埔宏福苑負責加固工程的工人，涉嫌在單位內偷竊首飾被捕。居民吳小姐今早在商台節目促政府盡快讓居民上樓，收拾個人物品，並加快工程進度：「我哋唔使日日咁恐懼、咁擔憂，你俾我哋上返去攞返珍貴嘅財物，就唔洗動用你咁多珍貴嘅警力。」她反問既然工人能上樓進行工程，為何街坊不可以上樓：「有啲街坊直程話唔介意簽生死狀，俾到我上去就得啦。」

警務處處長周一鳴昨日稱，警方已增派人手在屋苑加強管控，包括工人未上樓前，必須將個人財物包括首飾、手錶及現金存放在儲物櫃，並規定不得攜帶逾500元現金上樓。另外工人在進入單位後，警員亦會在場視察，及記錄住戶財物是否放置在顯眼位置，並再與工人確認。工人在完成工作離開的時候，亦必須接受搜身，以及配合金屬探測器檢查。

在事發後，有居民向政務司副司長卓永興、保安局局長鄧炳強發公開信，希望當局能提前讓住戶回家執拾物品，並明確交代安排。居民吳小姐今早在商台節目表示，警方曾稱24小時看守，「封鎖線警員好似保安咁坐喺度」，認為已難以確保工人在單位內不會順手牽羊。

無標題

居民：依家先諗到金屬探測器 斥明顯有保安漏洞

她表示最關心警員是否有履行監察工人的責任：「唔係得個講字，係真係有實質嘅監管流程，唔係得一一句話我哋有人睇住就算。點解唔一早做好把關？依家先諗到金屬探測器，諗到搜身，仲話依家先安排儲物櫃！係咪之前啲工人上樓，可能自己攞咗個袋上單位，有機會將啲金銀珠寶擺入袋挾帶私逃 ！」

吳小姐認為，普通工人在下班的時候亦要檢查個人財物，質疑「警方咁小嘅事都做唔好」，「好明顯係有保安漏洞」。

嘆偷竊如同二次傷害 質疑警方亡羊補牢為時已晚

在爆出偷竊事件後，吳小姐稱居民十分憤怒，居民連月來身心俱疲。她慨嘆街坊的訴求卑微，只希望能重返單位收拾財物，工人偷竊如同二次傷害。她透露有街坊去年12月聯絡警方及致電1823，關注或有盜竊案，促警方鎖好全屋苑1,984戶單位門窗，及後獲回覆已鎖上大閘。

吳小姐表示早在1月進行加固工程的時候，每戶均中門大開，工人能隨意進入單位內，警方現時才亡羊補牢，形容一切為時已晚：「點樣判斷其他單位無人偷嘢呢？呢兩個月淨係捉到一單？我哋班宏福苑居民真係唔敢相信警方囉。」

無標題

指有街坊情緒崩潰 質疑搜身亦未能釋除疑慮

在節目中，吳小姐稱街坊既感憤怒，部分更已情緒崩潰，三個多月來只希望能上樓取回個人財產：「政府真係做吓好心俾我哋上返去攞返我哋嘅嘢，街坊心情一定會好返。」她對政府的安全考量表示理解，對當局進行加固及拆棚行動，惟「一直得個等字」，在發出公開信後才被告知4月底可回到單位內。

在火災中，宏昌閣、宏泰閣成為重災閣，吳小姐指單位內的物品已成為不少居民家人的遺物：「點解遺物都要偷呢？有無諗過有錢買唔返，嗰三個工人真係好無人性。」她希望警方做好把關工作，但指搜身亦未能釋除疑慮：「一隻戒指佢有心偷嘅，擺底褲入面你點check呢？同埋銀紙無寫名㗎嘛，佢就算話500蚊，如果工人本身無帶錢，上到去偷咗500蚊，落到嚟偷咗500蚊，咁點呢？警方諗嘢好唔完善囉。」