（獨媒報導）叱咤903 DJ阿強上周六在節目《橙咇咇》宣布，即將離開商台，他在節目中表示：「原來不經不覺都讀咗成七年信，七年啦，唔關七年之癢事嘅，咁啱係一個契機，除咗係我自己嘅決定之外，亦都係公司嘅一個決定啦。係好難呀，講呢個消息出嚟，我其實自己都覺得好艱難。」《橙咇咇》的點唱環節一直是在囚人士及親友的精神食糧，阿強會讀出來自獄中的點唱信並憑歌寄意。

《橙咇咇》每逢星期六晚上6時至8時在叱咤903播出，阿強在上周六節目中稱要公布天大的消息，透露與未來的改變有關，稱有啲事情要「Let Go」，3月28日的節目將會是最後一集。

阿強在節目尾聲播放Kiri T的新歌《真的不是故意的》：「離開很難呀，但要宣布啦，我離開啦。我將會結束15年喺商業電台嘅生涯，會正式離開叱咤903。原來不經不覺都讀咗成七年信，七年啦，唔關七年之癢事嘅，咁啱係一個契機，除咗係我自己嘅決定之外，亦都係公司嘅一個決定啦。係好難呀，講呢個消息出嚟，我其實自己都覺得好艱難，係嘅，已經好唔捨得，嚟緊嘅兩個星期六，大家都會好唔捨得。而我哋必須要做嘅，喺嚟緊兩星期，呢兩集嘅《橙咇咇》好好珍惜啦。」

原名黃偉豪的阿強，他在2011年加入商台。除了《橙咇咇》，他亦在星期一至星期五晚上主持另一節目《強大人Get Set Go!》，以訪問香港運動員為主，一直關心本地本地體育發展。

在倒數第三集的《橙咇咇》節目中，阿強透露未來將會放一個長假，而在離開電台工作後將嘗試向聽眾回信：「應承咗大家好耐都無做嘅呢件事，就係我想嘗試回吓大家嘅信，過程入面大家都寄咗成萬封嘅信俾我啦，講真疊起啲信係人咁高。」他最後呼籲，聽眾未來兩星期寄信給自己的時候，要寫上回郵地址及編號，「等我回信俾你」。

由陶傑主持、長達22年的節目《光明頂》在今年1月16日商台雷霆881停播，改由商台首席智囊陳志雲、前立法會議員江玉歡主持清談節目《又係時候同一天講再見》。在《橙咇咇》宣布在月底停播後，有網民就猜測，連串節目改動或與商台續牌有關，現時牌照將在2028年8月25日屆滿。