【獨媒報導】去年先後有多套舞台劇被煞停租借場地，最終更被取消演出。體育、演藝、文化及出版界議員霍啟剛接受訪問時稱，希望能協調疏通及了解事件，「嚿年有幾個case啦」，但重申維護國家安全是頭等大事，除了政府，市民及不同持分者均有責任。不過，他同時強調，希望各界能「真誠啲去溝通」，指場地擁有人或在接到投訴後便很快作決定，呼籲要多互相溝通：「希望都可以多啲了解嗰件事，多啲去有個互相溝通囉，我相信呢個係要一個過程嘅，作為議員，我會盡力。」

霍啟剛接受商台節目《又係時候同一天講再見》訪問，主持陳志雲形容，霍啟剛是最貼地第三代富豪、長孫霍啟剛。霍啟剛就回應稱「成日喺度標籤我，跟住又喺度笑」，陳志雲笑言「咁先可以搶到人注意力」。


資料圖片

本身是藝發局主席的霍啟剛，他在節目中談到推動文化，認為要「做大個餅」發展文化產業，不能「攤大手板問政府攞錢」，必須跳脫地思考包括串連金融業融資。他指現時庫房並不富裕，不少企業均停止贊助，建議政府向贊助文化、體育的企業提供稅務寬減，舉例指韓國政府的相關政策便很強。

陳志雲問到，文化界憂慮有部分演出「以前都做到」，「但後來個場地唔租啦」：「當然場地唔租有好多因素，未必係單一因素，但大家就會話唔係演出本身嘅問題，而係帶頭人或者相關人士嗰人出咗問題，無咗空間俾嗰個演出發生。你會想帶一個咩訊息俾文化界嘅朋友，又或者帶咩訊息俾社會，應該點樣自處呢？」

霍啟剛：維護國家安全係頭等大事

霍啟剛回應稱「確實係有啲情況發生咗」，指自己希望能協調疏通及了解事件，「嚿年有幾個case啦」：「維護國家安全係頭等大事，呢樣嘢人人有責，政府一定係有責任，但唔係話淨係政府嘅責任，市民、唔同嘅持分者都有呢個責任，我諗呢樣嘢係大家要重視先。」

他又希望能「真誠啲去溝通」，稱在前年出訪中東期間，看到新聞指有舞台劇不獲租場地，透露曾致電嘗試了解情況：「可能係一啲投訴，嚟自一啲投訴人，可能好快就make 咗decision 唔好搞咁多啦。」霍啟剛強調並非指責任何人：「希望都可以多啲了解嗰件事，多啲去有個互相溝通囉，我相信係要一個過程嘅，作為議員，我會盡力。」

戀情曝光後接霍震霆電話 「你搞乜嘢，運動員嚟㗎喎」

談到與妻子兼奧運跳水金牌郭晶晶的感情關係，霍啟剛稱認識對方已21年，在告訴母親朱玲玲之前，戀情已被登上週刊封面。霍啟剛指母親沒有過問，父親霍震霆卻即時致電「你搞乜嘢，運動員嚟㗎喎」，他稱「總之自己知係serious」。

被問到郭晶晶的吸引之處，霍啟剛稱在家中觀賞2004年雅典奧運跳水項目：「見到佢，幾好喎，幾靚喎！」霍啟剛自言當時沒有想太多，感情開花結果要多謝國家，因為內地每屆奧運均安排金牌運動員訪港：「或者有機會可以見面，或者認識喎。」


資料圖片

為追郭晶晶坐船去澳門 大讚「好純的女仔」

時任國家體育總局局長袁偉民率領奧運金牌運動員訪港，更到霍英東家中拜訪，霍啟剛當時心想有一絲希望與郭晶晶見面，豈料只有部分代表團成員。在晚宴的時候，霍啟剛硬着頭皮跟郭晶晶合照。

金牌運動員及後轉抵澳門，霍啟剛坐同一班船跟隨「追星」，笑言霍家「在飛翼船有少少勢力」，最後成功在船上坐在郭晶晶旁邊，他大讚對方係「好純的女仔」。在追到澳門後，二人在及後舉行的世界一級方程式錦標賽上海站再見面，然後便開始拍拖，他稱拍拖的時候需要左閃右避，避開傳媒「狗仔隊」。

曾與郭晶晶異地戀 望子女了解更多家族從事體育工作

在2004年認識後，郭晶晶仍肩負2008年北京奧運的領軍任務，所以戀情相對低調，霍啟剛亦擔心予人口實，二人只能異地戀，只會在北京及對方比賽的時候飛到當地見面。郭晶晶至2009年在香港舉行的東亞運後才正式退役，在婚前曾與霍啟剛及其嫲嫲同居。二人在2012年結婚，霍啟剛透露在海灘向郭晶晶求婚，稱事前曾量度對方的戒指尺碼。

霍啟剛與郭晶晶育有一子兩女，他透露兩名女兒去年夏天「被捉到雲南集訓」，9歲的大女兒對游泳興趣較濃，6歲的小女兒較喜歡畫畫，13歲的兒子則掛住玩電話。至於是否希望子女繼承體育工作，霍啟剛稱自然希望他們了解更多，因為體育是祖父的心血，父親亦心繫於此：「但我唔會迫嘅，希望佢有嗰種服務社會嘅心。」他透露兒子喜歡游泳及參加合唱團，「食到演藝同文化呢兩瓣」。

版權: 
禁止衍生