【獨媒報導】聽證會開始至今，多名居民都曾稱事發時聽不到火警鐘聲。居於宏建閣30樓的文家峻今日供稱，自己當日行樓梯逃生，期間為了盡量通知大家，近乎每走落一層都會扑火警鐘和大叫「火警」，「我好想佢（火警鐘）響」、「冇人應該因為咁而有事」。他又提到，曾嘗試用單位外的消防喉救火，但水量很少，「用嚟洗手就得，洗濕身就唔得」。

火警鐘無響、淋水距離不夠、消防喉無水

事發當日，文家峻和家人身處家中。下午約三時，他首先聽到「㕷啪」聲和聞到煙味，之後再聽到大量消防車聲，遂立即叫家人逃生，自己則在家中視察一圈。他見到廚房窗戶外的棚網穿了個洞，面積如掛鐘大小，雖不肯定是否之前已經存在，但見到棚架下方的建築材料已在燃燒。他見火勢不大，嘗試淋水救火，但因距離遠而失敗，唯有向下方棚架淋水，盼阻止火勢蔓延，然後出門逃生。


資料圖片

走後樓梯逃生時，文家峻近乎在每一層都有敲碎火警鐘玻璃和大叫「火警」：「記唔清撳過多少次，有行經嘅樓層就一定有扑。」他指樓內有兩款警鐘，一種是敲碎玻璃啟動，另一種按掣啟動，但都沒反應。他說「好想佢響」，因為想盡量通知所有人：「冇人應該因為咁（火燭）而有事。」

文家峻又說，自己曾嘗試用單位外的消防喉救火 ，但水量很少：「用嚟洗手就得，洗濕身就唔得。」而他在落樓期間，曾見到一對男女嘗試用消防喉救火，但同樣沒有水流出。在該對男女救火的單位，可見到火勢位於廚房對上的竹棚。

他憶述，當時向女士說「高層都燒緊，快啲走」，女士回應他「消防喉冇水，有冇滅火筒？」文重申他們應該逃生後，又聽到上層有聲音，於是他到上層視察，再回到下層已不見該對男女。他事後回想，覺得自己有可能因當時太混亂，並沒有真的回去該個單位，誤以為兩人已經離開，為此感到「對唔住」。


獨立委員會主席、法官陸啟康

稱只能靠本能反應「盡做」 陸啟康：你已經做得好好

至於樓梯的情況，文家峻說最初在30樓時不見有煙，所以他沒拿濕毛巾掩鼻。不過逃生期間，他見到部分樓梯的窗被拆走，至少兩、三層有白煙，窗外亦有物品在燃燒。到了地下大堂，他見到大樓外有雜物墜下，因此停留了一會兒，直至消防員示意安全後才跑出去。

整個逃生過程中，文家峻說沒時間想太多，很多時要依靠本能反應，亦沒時間看手機：「我無受過相關訓練、無法走到每一個樓層敲每一個門，但盡做。」獨立委員會主席、法官陸啟康回應文說，也許他會想自己能否做更多，惟相信「呢度在座每個人都覺得你已經做得好好」。

另外文家峻補充指，在宏昌閣、宏盛閣後方，有一個行人閘口，以往擺放了大量建築材料，因為該位置可以讓車落貨，但不知道火災當日該位置情況如何。

宏福苑火災獨立委員會 聽證會｜第四日
首位打999居民逃生時窗外成火海 不解為何「線路繁忙」：我真係等咗好耐
85歲冼婆婆火海中獲救 哽咽感謝消防員救人時不忘帶走遺體：香港嘅驕傲
宏泰閣老翁憶5小時待救 潑濕棚網、濕毛巾封嘴 獲救見消防以為是天使
85歲冼婆婆：如果大家拎個心做好自己，社會肯定冇咁多唔好嘅事
競委會：不排除宏福苑不只一個圍標集團
居民從30樓逃生 近乎逐層扑火警鐘但從未響起：我好想佢響
遺屬盼ICU、黃碧嬌等出席聽證會親自辯解：唔好話我哋未審先判
業主質疑「宏業」中標有問題 街坊多次聽聞黃碧嬌收授權票
外牆清潔工人爬上天台後無處可逃 困一晚至翌日獲救

宏福苑火災獨立委員會 聽證會｜第三日
政府開案反駁「通風報信」 稱屋宇署也會預約 時差僅一天難做手腳
旁聽居民：希望政府講多啲實話、唔好兜圈
政府指「小型工程」依賴業界自律 委員會需考慮有人瞞騙令監管失效
反駁ICU巡查標準遠低於屋宇署要求 稱計法各異「不能混為一談」
競委會：大維修「反競爭行為」包括區域協議、齊入標、幽靈標、豬標等
居民：「預約巡查」未必是適合方法 等如老師「通水」考試內容
首名倖存者作供 家園本應今月重見天日 惟今街坊各散東西
管理公司置邦指電工認關消防系統總掣
宏昌閣居民稱常見工人吸煙 淚憶火警鐘無響、不知事態嚴重

版權: 
禁止衍生