【獨媒報導】消息指多間國際級球會或在今年暑假訪港，包括英超曼城、車路士、阿士東維拉、德甲拜仁慕尼黑、意甲祖雲達斯及國際米蘭。足總主席霍啟山表示，今年暑假將舉辦「幾場」外隊賽事，並已預留啟德體育園主場館的檔期進行比賽。

足總周五晚舉行周年大會，霍啟山在會後見記者，被問到外隊在今年暑假訪港一事，他指去年舉辦的「香港足球盛會」，即利物浦對AC米蘭、阿仙奴對熱刺的賽事非常成功，「目標係今年繼續搞」。


霍啟山

已向政府提供意見 望下月公布詳情

霍啟山指今年是世界盃年，預計外隊將在英超開咧前訪港：「已經預留咗時間同啟德㗎啦，我哋收到好多球會同協辦方申請。」他重申，足總就外隊訪港有機制處理，現正與政府、啟德討論落實方案，期望下月能分享好消息：「我哋已經係俾咗意見，邊啲球隊比較符合啲要求，同埋比較有吸引力。」

被問到傳聞中的車路士、祖雲達斯會否來港，霍啟山稱「好多球隊都有申請」，期望在落實一次過公布具體安排。不過，他表明目標是在啟德體育園主場館舉行外隊賽，並未有預留大球場。


張炎有

會否考慮挽留港會？ 張炎有：要尊重返升降制

在本地足球方面，今季港超聯分為爭標組及挑戰組，傑志目前已遙遙領先，在踢多一場的情況下拋離排第二的理文多達13分，很大機會下月中提早封王。被問到如何令賽程更刺激，包括改為雙料娛樂，總幹事張炎有稱「呢個就係足球嘅吸引嘛」：「我哋無預知，賽程預咗係咁就要尊重。」

至於港會則敬陪末席，來季很大機會甲組見。港會早前已完成今季最後一場主場賽事，球迷大讚球場氣氛不俗。《獨媒》問到足總會否考慮挽留港會，張炎有就表示，港超聯今季恢復升降制，「都要尊重返升降制」：「當然如果有啲特別事項，都要尊重所有球會，所有持份者，到時睇吓當其時情況再處理，我哋收到所有嘅消息嘅。」

版權: 
禁止衍生