【獨媒報導】宏福苑大火在11月26日下午發生，至晚上仍未救熄，死傷人數不斷遞增，宏福苑的置邦興業有限公司工程主任林文欣曾於深夜致電承辦商宏泰消防的董事鍾傑文，兩人傾談57分鐘，內容只得林文欣和鍾傑文知道。在第六日聽證會上一度觸及對話內容，鍾表示被對方來電「嘈醒」，查詢俗稱「掛牌紙」、「SDN」的「消防裝置關閉通知書」，並引述指對方當時「好驚」及強調「真係有掛牌紙」。鍾之後問到表格有沒有剔選「警鐘」一欄，對方表示「死喇，真係好似唔覺喎」。代表置邦的資深大律師許偉強語帶諷刺，問鍾當晚應是看完很多新聞才去睡覺，鍾表示「一路睇，都瞓得唔好」。


宏泰消防工程董事鍾傑文

管理處工程主管問拎「範本表格」

對於57分鐘的對話內容詳情，委員會律師最終認為公平起見，不應由鍾傑文在證人席上概括講出，吩咐透過律師替鍾傑文落一份詳細的口供，周三向委員會提交。

在會上提到的57分鐘對話，鍾傑文表示，11月27日凌晨1時25收到林文欣致電，起初因為已睡著聽不到，4分鐘後林再致電「嘈醒咗我」。委員會大律師李澍桓指，WhatsApp紀錄顯示在兩人對話期間，鍾傑文曾向林文欣分享了兩個連結。林文欣亦曾問道：「喂，有無平時掛牌啲form（消防裝置關閉通知書，SDN）？想睇吓。」鍾表示沒有，又強調自己正在睡覺，林再問有沒有「standard form或template（標準表格或範本）」，鍾回答了幾個關鍵字，著對方自己上網尋找，林堅持「不如你搵埋畀我」，鍾便分享了兩個連結，是空白的掛牌表格。


代表置邦的資深大律師許偉強

董事：自問唔覺得自己有咩問題 較擔心管理處

大律師進一步問到，林文欣當時有沒有講述自己的感受。鍾傑文憶述林文欣當時表示「好驚」，亦問林「係咪真係有掛牌，我未見過，你係咪真係有掛牌？」對方表示「真係有睇過掛牌紙」，鍾於是再問，相關「掛牌紙」有沒有剔選「警鐘」一欄，林回應稱「係喎，佢話死喇，真係好似唔覺喎」。

代表置邦的資深大律師許偉強問到，當晚大火仍然在燒，有很多新聞報道，相信鍾傑文「睇完先瞓覺」，鍾表示自己「一路睇，都瞓得唔好」。許再問，林文欣表示自己很驚，「咁你自己呢？」鍾表示「有擔心過」，又形容自己當時「心情複雜」：「每個香港人見到都唔開心，當時未去到擔心自己先，我因為睇唔到SDN，擔心管理處多啲，自問唔覺得自己有咩問題」。

宏福苑火災獨立委員會 聽證會｜第六日
7座大廈警報系統電線燒斷 承辦商引述消防指年檢只須按1984年守則
前線標示水缸存水量不合格 證書無提跟進 董事承認無留意
大火凌晨被管理處電話嘈醒 宏泰消防董事稱「瞓得唔好

宏福苑火災獨立委員會 聽證會｜第五日
居民作證批公務員「依足程序、法例冇講」 屬「根深蒂固陋習」
居民羅德沛：「若找不到問題和真相，百幾人走咗極其無辜」
展城館火警鐘響 聆訊中斷居民即走 陸啟康：睇到警鐘重要性
生還者憶述走火梯樓層數字消失 疑被白油「髹走咗」
大火奪去雙親 遺屬：宏福苑只能示範一次 盼各界引以為戒
居民曾憂如倫敦格蘭菲塔「燒哂成幢」 消防熱線人員：嗯嗯嗯，可以問返屋宇署
居民曾就工程合約見市建局 獲建議找鴻毅 嘆「我哋投訴嘅就係顧問」
居民周先生：盼政府受教訓﹐大維修不再有圍標
居民質疑上兩屆法團用授權票「配票」 委員票數居然「一模一樣」
居民指原擬分三期大維修 終同步搭棚 曾向新法團投訴不果
宏泰消防維修時發現消防泵電掣早被關 政府質疑無報備
妻最先懷疑火燭拍門救五命罹難 葉家駒：好簡單好普通、鄰舍應該嘅舉動
居民批限三小時上樓執拾做法官僚：只為方便工作

版權: 
禁止衍生