【獨媒報導】宏福苑居民今日繼續上樓執拾，包括宏建閣高層居民。該幢大廈只有一個單位嚴重損毀，對於政府提出收購，有居民稱只能無奈接受，質疑當局公布長遠居住安排時，居民仍未了解大廈及單位損毀情況：「根本嗰陣時都無得做選擇。當公布咗喇，先知道原來得一個單位（被燒毀） ，嗰陣時政府亦都公布咗，嚟緊有咩設施，有咩方案可以做，咁你冇得揀啦。」

蕭先生的父母居住宏建閣25樓，是首批入住宏福苑居民，他今日與六旬母親上樓收拾，七旬父親則不會上樓。他指媽媽才知道物品在家中的位置，希望能取回金器及相簿等。被問會否擔心單位失竊，蕭先生就表示「驚一定驚㗎喇」：「一早都講過有咁嘅機會，不過無人理過啫。」

對於長遠居住安排，蕭先生指本身不支持政府收購業權，認為在沒有其他選擇下，只能無奈接受，因為長者難以等待多年作原址重建：「咁不如你真係攞嗰舊錢慢慢洗，租地方住又好，買地方都好啦。」


蕭先生

公布長遠居住安排時未掌握單位損毀情況

蕭先生指父母本身最想重新搬返宏建閣，因知道家中沒有損毀，「但政府唔容許咁做」。他質疑當局公布長遠居住安排時，居民仍未了解大廈及單位損毀情況：「根本嗰陣時都無得做選擇。當公布咗喇，先知道原來得一個單位（被燒毀） ，嗰陣時政府亦都公布咗，嚟緊有咩設施，有咩方案可以做，咁你冇得揀啦。」

被問到會否不捨得宏福苑，蕭先生爸爸回應說：「梗係唔捨得啦，但都要學識放手囉，都冇辦法 。」他表明支持政府的收購業權，「都係做得好嘅」，認為當局在上樓安排照顧周到。


黃太

明言不支持原址重建 指有心理陰影難續居住

同樣居住在宏建閣，23樓的黃太則不想原址重建，認為有心理陰影：「始終個地方走咗咁多人，你點住先？」她認為大廈已難以繼續居住，將會選擇「樓換樓」，希望當局儘快安排：「你唔收購無用㗎，根本就冇可能再住。就算俾你返去住，你點呀？個心理壓力好大㗎其實。」

黃太期望可獲原區安置，因為子女都在大埔出生、生活及讀書：「希望俾返大埔我哋，第二度我都唔會點肯。」不過，她亦希望合安可以儘快召開業主大會：「究竟發生咩事，有啲乜可以做，你都要俾個答案我哋，依家真係乜都唔知。」

版權: 
禁止衍生