【獨媒報導】宏福苑居民今日繼續上樓執拾，宏建閣居民蘇先生一家四口居住在高層單位，他在落樓執拾後表示，過程中多次被人員有禮貌地催促，稱明白對方只是按程序辦事。有記者問到被催促的感受，蘇生稱「冇咩感受」：「自從大維修後，我個人都冇乜感受。」不過，他慨嘆政府仍以使用「鉛筆」的心態處理事件，抱住「擦咗佢就得」，強調並非所有事都可以擦去，而宏福苑居民最終成為犧牲品。

他們今早在上樓收拾後表示，「想執嘅嘢都執到」，但就要「斷捨離」，主要收拾了具紀念價值的物品，包括小朋友的畢業相。不過，蘇太稱假若有機會，仍希望再次上樓，以執拾其他物品：「電器仲用得嗰啲其實都想攞，不過今日就真係冇攞到。」

質疑未有嚴格監管大維修

蘇先生指出，在執拾過程中曾多次被人員有禮貌地催促，但明白對方只是按程序辦事。有記者問到被催促的感受，蘇生稱「冇咩感受」：「自從大維修後，我個人都冇乜感受。」他指自屋苑大維修要求業主出錢，質疑當局未有嚴格監管，事發至今亦沒人認為自己有問題，只稱「會改善」。

除此之外，蘇先生以幼稚園學生使用鉛筆寫字作比喻：「點解一支鉛筆後面有舊擦膠呀？因為你細個，你有改善嘅機會。大個點解你用原子筆呀？因為你會留意到幾時先係一個正確嘅嘢，你先去做。」

他慨嘆，政府至今仍然以使用「鉛筆」的心態處理事件，抱住「擦咗佢就得」的心態，強調並非所有事都可以擦去，宏福苑居民最終成為了犧牲品。

促召開業主大會 聆聽居民想法

政府早前提出收購7幢樓宇業權，未補地價單位回購價格為8,000元，已補地價單位價格為10,500元。蘇先生表示，不解當局如何定義回購價格的金額，亦不解為何兩者價格相差2千多元。

蘇先生又認為，宏建閣損毀情況較輕微，若當局決定拆卸會感到可惜：「唔係你畀咩，我就要咩，我唔係難民喎，我唔係偷渡嚟喎，我Local嚟喎。我有交稅，但原來仲衰過新移民。」跟不少業主一樣，他同要求政府召開業主大會，以聆聽居民想法。


袁先生

居民：我諗大家唔會明白我哋嘅心情

另一宏建閣居民袁先生則表示，上樓後發現屋企情況較想像中佳，所以執拾了較多物品。被問到是否有財物失竊，他表示不欲多說，「我哋唔講啦」，認為家人安全最重要。

袁先生承認3小時的執拾時間不足，指自己在宏福苑居住了30多年，「好開心嘅回憶都喺度發生」，育有小朋友後特地搬回宏福苑，入住不足一年遇上大火。他慨嘆，居民已忍受大維修工程近一年，原以為可以重見天日，卻不幸遇上大火：「我諗大家唔會明白我哋嘅心情，返到嚟已經忍唔到，成個屋企，成個環境都唔同晒。」