（獨媒報導）自宏福苑開展大維修工程，居民的窗戶均被封上發泡膠，令他們不見天日。有入伙近一年的宏泰閣夫婦周六回家收拾，終於第一次看到單位的窗外風景。他們拍下照片留念，並對記者稱「原來我個單位望河真係好靚，就望多幾眼」。他們說，希望下次回家時，可以「當冇事咁，坐幾個鐘」：「始終自己屋企，唔一定要為咗執嘢，我哋返去自己屋企唔需要有任何理由。」

宏泰閣居民葉生葉太今天由義工陪同上樓。葉太表示單位情況比想像中好，但屋內部分地方熏黑，感覺親切又陌生。她表示取回結婚相、兩口子渡蜜月時的有意義物品。

葉先生表示「三個鐘有啲離譜，始終我哋住喺度，又唔係賊。」他說，「如果仲有機會上嚟，我哋可能喺屋企當冇事咁坐幾個鐘。始終自己屋企，唔一定要為咗執嘢，我哋返去自己屋企唔需要有任何理由。」

葉太就表示，希望下次「好似喺個單位住緊咁，坐喺度飲杯水，睇吓個景、睇吓報紙，玩吓手機。真係好似一個普通屋企做嘅嘢咁」。

葉先生表示，在宏志閣居住多年，最近結婚才搬到宏泰閣。他們購入現單位僅約一年，花近20萬元裝修，未幾就發生火災。葉太慨嘆，全屋傢俬全新購入，部分為訂造，「好俾心機去準備屋企，有咁靚就買咁靚。所有嘢都係我哋兩個一手一腳準備。」葉先生就遺憾未能取走絕版HiFi音響，因為沒有升降機，帶走的物品難免要取捨。

葉太提到入伙時已經有發泡膠封窗，今天才真正能看到窗外景色，「之前都係望住個發泡膠，窗外邊個景我哋都未睇過，啱啱因為啲窗解晒封，我先至睇到出邊個景色，原來我個單位望河真係好靚，就望多幾眼。」他們最後在單位合照留念，順道記下窗外風景。