【獨媒報導】宏泰和宏盛閣居民今天上樓，兩名宏泰閣遺屬，在大火中失去四名家人和外傭的李俊豪、以及妻子罹難的葉家駒都在今早和家人上樓。

一家人挑花束 遺屬盼帶走全部物品

與罹難妻子白瑞蓮同住宏泰閣1701室的葉家駒。今日和兩位兒子、新抱攜同鮮花上樓執拾及悼念。花束的款式由他們一家人揀選，包括白玫瑰、滿天星、康乃馨等。葉生說，花束的顏色是太太喜歡的紫色、粉紅色。其中的白玫瑰是葉生揀選，花語為純潔、高貴、天真與誠實的愛，也代表對逝者的尊崇與懷念。

在火災後保留了妻子WhatsApp帳戶的葉生說，今早曾傳短訊給她，「話俾佢聽，我返嚟啦」。

無標題

李先生是宏泰閣1907室居民，在大火中痛失母親、哥哥、15個月大的姪女及外傭，他今天和父親、兄嫂等家人回家收拾，他沒有多言，表示想帶走家中全部物品，「如果佢哋四個嘅遺物俾人偷咗，我追到天腳底都追。」

居民帶花悼鄰居 暗諷卓永興「我哋住咗200幾年 」

另有宏泰閣中層居民李女士，帶鮮花希望上樓悼念罹難鄰居。她表示指很多鄰居不幸離世，自己樓層已有4人，心情難過「一開始有呢度就一齊住到而家，互相照應咗40幾年。」。她表示鮮花是朋友親手栽種，希望表達心意。

李女士同暗諷政務司副司長卓永興「4人12小時論」，指「我哋住咗200幾年 ，幾代人喺度住 ，所以就算舊磚都有歷史價值。呢個係卓司長教識我哋，點樣去面對呢啲問題，幾百年嘅心血喺度，你叫我斷捨離，我諗呢文物係好難。」她又指沒有收到單位照片，如「開盲盒，驚比人偷晒啲嘢都唔出奇。」