（獨媒報導）今天是宏盛閣首日開放上樓，有單位全家人回家收拾。宏盛閣居民李先生三兄弟和父母同住，超出4人上樓限額，他直言無奈：「想上去影幅全家福都唔得。」李先生又稱，看到網上評論指宏福苑居民有「著數」，他表示「呢啲唔係著數，呢啲係人不作為嘅後果佢而家要補飛」：「之前我哋俾咗幾多機會？房屋局、屋字署、黃碧嬌、羅曉楓，冇人正面回應。宜家好啦，單嘢搞到咁，168人⋯⋯過咗身，可以係咁嘅態度。」他稱有留意聽證會消息，批評「個個好似射波咁，一句唔理想跟住就諗修例，修乜例啫！冇人問責。我喺寫字樓倒瀉灘水，都會問邊個倒瀉水啦係咪呀。」


李先生單位內照片

一家五口超限額 「影幅全家福都唔得」

李氏一家五口住在宏盛閣907單位，兒子李先生表示收拾後感無奈，有部分物品未能帶走。他指三兄弟與父母同住，超出4人上樓限額，「想上去影幅全家福都唔得」，又慨嘆「好多嘢侷住要跟，但冇人聽我哋意願。」

長遠安置方面，李先生指不少街坊希望原址重建，「就算政府或者專業人士覺得係咪合理都好，都冇人聽過我哋意願，簡單如居民業主大會都唔開，我覺得都冇乜好講。」他嘆現在只得有限選擇，「有個大會大家居民投票決定，我都心甘命抵，而家唔係喎，我哋仲要四散，集合唔到喎！」

李母則表示，今天才能上樓已經太遲，令居民貴重財物被盜風險增加。李太現在和丈夫安置在過渡性房屋善樓，她慨嘆過去日子如「人球」，希望政府盡快安排長遠安置，「而家無居所，好似流浪咁。」她也不滿大埔原區安置選項由三變一。


李先生父親以前儲下的車仔