鄺小姐與未婚夫

（獨媒報導）宏泰閣、宏盛閣部分居民今日繼續上樓執拾。鄺小姐與未婚夫居住宏盛閣18樓單位，原本計劃入伙後結婚，大火發生後將婚禮無限期延後。她無奈嘆，延後婚禮是因為要處理先住屋安排：「我哋都go with the flow，我哋搞掂咗目前要搞掂嘅嘢先。」她亦擔心擺放枱面的求婚戒指遭盜竊，不滿事隔多月才安排居民上樓：「如果可以早啲上去，就可以避免好多偷竊嘅情況。」

鄺小姐未收到「一戶一社工」提供單位的相片，但根據聽證會提供的樓宇損毀資訊，她預計屋內情況良好，故帶備多個大袋及氣泡紙執拾。上樓前，鄺小姐感到緊張和忐忑，「因為好耐冇見過屋企，唔知屋企係咩樣」、「越嚟越近就越嚟越緊張，跟住就開始唔係好瞓得着」。

不少居民重走回家的路感觸萬分，鄺小姐亦然：「琴日我哋先討論嗰條路好似生化危機咁，平時你放工返去周圍都係綠油油一片，跟住有好多公園，而家行入去好似廢墟咁。」她又認為政府安排上樓時間不合理，指事前已有大量人員上樓勘察及工作，「點解佢哋上得去，我哋唔上得去？如果可以早啲上去，就可以避免好多偷竊嘅情況」。

鄺小姐與未婚夫2024年10月入伙，親手建立一個家，原本計劃入伙後結婚，未料一場大火將婚禮無限期延後。她無奈嘆「咁我哋而家就唔結住，搞埋間屋⋯⋯我哋都go with the flow，我哋搞掂咗目前要搞掂嘅嘢先」。她憶述離開屋企前，將求婚戒指放在枱頭，非常擔心一開門不見戒指，以及爸爸留給她的首飾。


蔡小姐陪同嫲嫲上樓

孫女陪嫲嫲撐拐杖上樓　「望一眼同呢個地方做個道別」

蔡小姐陪同居住宏盛閣15樓嫲嫲上樓執拾，主要執衣物及貴重物品。她表示，不清楚老人家物品擺放的位置，需要嫲嫲一同上樓指示，事前準備了「拐杖仔」協助她行樓梯。蔡小姐又指，嫲嫲已將貴重物品鎖起，不太擔心會遺失。

蔡小姐憶述爺爺大火前入院逃過一劫，惟2個月前亦已離世。火災當日，嫲嫲身處家中，蔡小姐從新聞得知宏昌閣及宏泰閣起火後，立即通知居住宏建閣的姑姐尋找嫲嫲逃生；姑姐一開始未能成功找到嫲嫲，幸好有人幫手將嫲嫲帶落樓，她至下午3時多成功聯絡嫲嫲，才感到安心。

對於即將回家，蔡小姐笑言嫲嫲較為寡言，自己重返成長地卻感受深刻，「因為始終細個住嘅地方，同埋屋企都有啲全家福嘅相想攞返」，不過她沒有特別道別儀式，「望一眼同呢個地方做個道別」。她相信不止宏福苑居民，所有大埔人經過宏福苑時，都會感到悲傷，「但係就都冇辦法，真係發生咗，希望之後可以避免同樣事件再發生」。