（獨媒報導）「上樓日」來到最後一日，除了執拾、悼念、道別，亦有居民繼續籍受訪表達心聲。宏泰閣低層住戶歐太在落樓後表示，目前尚有很多問題都未獲清晰解答，希望合安管理有限公司（現為宏福苑法團管理人）召開業主大會：「俾我哋表達訴求、知道屋企發生咩事，下一步點樣處理。」

對於政府目前傾向拆卸受災大樓，再在宏福苑原址建公園，歐太說：「咁你不如起個足球場啦？每一日我哋聽聽證會，其實就係踢緊波咋嘛。唔同機構、部門，無論公營私營，其實大家都喺度為緊自己說話。」她又稱作為街坊，最想知道為何火災會發生，希望聽證會能抽絲剝繭：「到底將來香港點樣唔再發生第二次？」


歐太和丈夫的夾萬

夾萬燒毁 盼再上樓與屋企道別

歐太和丈夫同住在宏泰閣低層單位，住了11年。他們育有三位小孩，都是在此出世和成長。可惜的是，歐太今日上樓後稱，其單位損毁嚴重、環境混亂，「唔係好搵到嘢」。她和丈夫帶走了家中夾萬，內裡尚存有金器，但銀紙、小孩出世紙、證件、結婚證書等均被燒毁，結婚戒指則未能尋獲。

歐太認為，災場環境不適合小孩回來，但希望之後再有機會上樓，到時再想想如何安排小孩跟屋企道別。她說，兒子在火災後曾經用鉛筆作畫，並在畫作寫下「11月26日，宏福苑大火災，我冇咗個屋企」的字句。另外，今日未到場的小孩曾托歐太取回已逝親人的物品作為紀念，但因執拾時間太短，她未能找到。



歐太提供單位內照片

獲准放花於信箱悼鄰居 「個心舒服一啲」

另外，歐太今日帶同了鮮花上樓，希望悼念罹難鄰居。她和警方、社工溝通後，最終獲准把鮮花、零食和飲品擺放在宏泰閣的大堂信箱位置，直至她離開大廈時仍未被移除。歐太說，事前曾擔心能否做到，幸好現場人員均明白事理和包容，令她「個心舒服一啲」。

但她感嘆，進入屋苑後舉步維艱，因為所有熟悉的景色都已經變得陌生：「同我哋行咗咁多年嘅路唔一樣，直情係另一個地方、另一個屋企。」

稱安置方案欠細節 盼有清晰full picture

至於未來打算，歐太說只能見步行步。她認為目前政府的安置方案欠缺細節，指如果業主須在8月尾作最後決家，會感到壓力和困難。她解釋，自己家庭成員較多，很多問題早已問過解說隊，都未獲解答：「既然想我哋落個決定，咁我要為屋企人負責任㗎嘛，只有你俾到個清晰嘅決定、俾到個full picture我哋，我哋先move on到下一步⋯⋯我咩都唔知，點樣下一步呢？」


龔先生

宏新閣居民遺失十萬金飾 稱「報警都冇意思，冇可能搵得返」

宏新閣居民龔先生與太太原定早前上樓執拾，及後改期到今早。他們完成執拾後對記者表示，單位有一半位置損毁，並發現有金飾遺失，包括4隻龍鳳鈪及金鏈，價值約10萬元。

不過，龔先生指未有報警，認為警方未能協助：「我唔覺得搵得返⋯⋯冇警報警呀，報警都冇意思，冇可能搵得返。」他表示，3小時執拾時間已經足夠：「應該唔係最worse 嘅case，其實好多嘢都喺度，但係都用唔到啦個狀態」，

二人最終只取走貴重物品、結婚證書、身份證明文件及紀念品等。龔先生笑言，昨晚有點緊張，在上樓的時候已經消化，即使有物品失竊亦只能無奈接受。然而，龔先生對有物品失竊坦言感到無奈，因為不相信能夠尋回失物：「佢唔通搵過去嘅工人，查佢家宅、查佢屋企、查佢戶口，係咪？」。

對單位感不捨 望當局助舉行業主大會

二人居住在宏福苑3年多，龔先生坦言對單位感到不捨，但自言為人較為正面，嘆道「人都要向前望」：「有啲嘢唔發生都發生咗，有啲嘢唔揭出嚟都揭咗啦，睇下下一步點做啦。」

對於長遠居住安排，龔先生指每棟大廈單位損壞不一，政府方案難以統一所有居民要求，贊成先安排及舉行業主大會。