（獨媒報導）宏福苑宏泰閣、宏盛閣今日最後一日上樓，黃先生的父母親不幸同於大火中離世，他特意攜同鮮花上樓，希望可以在後樓梯位置作悼念，以及尋回媽媽的首飾。他多次稱今次大火為「人禍」，指意外發生當日亦是父親的70歲生日：「因為爸爸發生意外當日係佢生日，所以無機會再同佢講聲生日快樂，希望佢哋安息。」

黃先生與父母於2006年搬入宏福苑，住在宏泰閣29樓的單位，不過雙親均不幸在火災中罹難：「媽媽爸爸已經喺呢個人禍入面離開咗啦，希望搵到佢哋嘅遺物。」他憶述當日曾聯絡父母，約下午2時許最後一次聯絡媽媽時電話仍可接通，當時媽媽指在後樓梯逃生中，感覺很辛苦，「最後尾佢都係咳到講唔到嘢」。


黃先生

黃先生表明希望可以在後樓梯位置向父母獻花，「如果唔可以，我都想擺返喺屋企」。他又稱平日爸爸喜歡坐在在客廳，希望講聲「最後嘅再見」。

對於上樓心情，黃先生就指「又緊張又有啲失望」，之前已收到「一戶一社工」提供的單位照片，見到「total loss咗」，上樓已經「預咗無嘢執到」，只有一絲希望「搵到想搵嘅嘢」，希望尋回手錶及媽媽的首飾等貴重物品。

嘆「俾錢人哋燒自己間屋」

被問到對現階段聽證會的感受，黃先生就稱不願置評：「可以話失望嘅，但係咩都唔理想嘅時候，究竟啲居民可以做到啲咩？依家俾我嘅感覺好似係俾錢人哋燒自己間屋，俾咗錢都得唔到想要嘅結果，仲要發生呢啲人禍。每個部門都話唔關自己事，但其實每個部門做多少少、行多一步就可以避免呢場人禍發生。」

縱然父母親離世，黃先生仍希望原址重建，並坦言對政府方案中沒有這個選項很失望，「呢個始終係我成長嘅地方」，又指宏福苑交通便利，有山景海景，「想像唔到有咩大埔地方方便得過呢度。」


胡先生

宏泰閣住戶攜鮮花悼念工人姐姐

宏福苑五級大火造成至少168人死亡，當中包括10名外傭。居住在宏泰閣29樓的胡先生，今日上樓執拾，攜同鮮花悼念不幸在大火中離世的工人姐姐。

胡先生指大火當日剛巧其他人均不在家，只有工人姐姐在家，最後不幸離世。在大火後，他們一家曾聯絡過工人姐姐的家人，希望上樓能找到工人姐姐的手提電話。胡先生指，工人姐姐改在家工作7年，想跟她說聲「佢都辛苦喇」。

胡先生自出世至今均居住在宏福苑，至今已21年，稱同希望將花束獻給同層鄰居。對於上樓執拾，他指從「一戶一社工」的相片看到，其單位是「災場」，「燒咗就係⋯⋯火燭完之後嘅樣」：「一定係盡量希望攞到老實講，依家咪有咩燒淨咪攞乜。」

望能取回相片及硬碟 打定輸數無需再上樓

被問到希望執拾的物品，胡先生希望能取回跟回憶有關的相片及硬碟，坦言錢財已是身外物。至於上樓心情，他認為是最後一次返回屋企。解釋因為家已燒光，「打定輸數」無需再次上樓，「可能其他街坊屋企冇燒到要上多一兩次，但係我哋⋯⋯好彩定唔彩？上一次就得。」

此外，胡先生稱入屋後會「望一眼」，記住屋企的環境便當作道別：「因為record 依啲，老實講就係一燒就冇，record係個腦就最實際。」