（獨媒報導）立法會選委界議員何君堯近日成為傳媒焦點，他先後與民建聯主席陳克勤罵戰，再被財政司司長陳茂波以「無關痛癢」回應其在預算案中不投票。多間傳媒專欄均指，何君堯因在2019年區議會選舉「挨一刀」，獲京城歡心而有「免死金牌」。何君堯昨日向《獨媒》否認「免死金牌」的說法，指有傳媒欲帶風向，對三間媒體同一樣論調感奇怪：「冇咁嘅根據，被人插一刀就有免死金牌？即係自己死唔到咋大佬，唔係免死金牌，係好彩咋，完全冇任何嘢嗰啲關聯性，諗多咗係咪呀？」

何君堯周二晚在社交網站發文，點名《信報》、《香港01》及《香港經濟日報》報道，並配上「均隆驅風油」圖片，暗示「有人正在帶風向」，稱「議員和官員大家都真誠對話，有來有往，互動交流是正常不過！何來又『搣柴』、又『免死金牌』？」他強調自己「愛國愛港且愛講」，始終如一地履行立法會議員責任，指負面新聞使人感到心寒，「小時候每當感到風寒不適，我一定聽阿爺話，立刻搽啲驅風油！」

立法會昨日舉行大會，《獨媒》向何君堯了解「免死金牌」的說法。他以「添加劑」形容相關報道，笑言「邊有呢啲咁嘅嘢㗎」，強調「冇咁嘅根據，俾人插一刀就有免死金牌，即係自己死唔到咋大佬，唔係免死金牌，係好彩咋，完全冇任何嘢嗰啲關聯性，諗多咗係咪呀？」

何君堯更反問：「你覺唔覺得奇怪，佢哋同日出呢個評論，呢個唔係新聞嚟嘛，同一日出咁嘅嘢我咪覺得好奇怪，好似有人帶風喎。」他對三間媒體同一樣論調感奇怪：「做社論好或者做評論都好，好少可會咁一致㗎嘛，佢心靈相通，如果唔係對過稿何來一齊出稿。」他認為，有人瞄住自己能否連任內會副主席一事，「好似有備而來，有風啦喎」。

內會副主席或被「搣柴」？何君堯：幾時都居安思危

立法會內會正副主席是一年一任期，相關報道指何君堯或因出位言行面臨「搣柴」。何君堯向《獨媒》稱，「幾時都居安思危啦，邊有咁老定」。他認為最重要是獲得選民支持，指對相關報道「冇勞氣」，在議會已見慣更惡劣的交鋒：「但係議會裡面講完就已經算數啦，如果你唔係又真係俾佢去到反中亂港。」

記者關注何君堯與其他議員似乎有磨擦，他就表示抱不同意見是非常正常的事，不會因為喜歡或不喜歡而阻撓該做的事，「最緊要做嗰樣嘢是其是非其非，該講咪講囉。」

重提油價事件 強調自己風格敢言

何君堯重申，立法會議員應要急市民所需，不忘重提《基本法》第107條「量入為出」的財政原則，以及現時油價「比天高」，指兩件事均屬民生議題：「我都係就呢兩件事情發表意見，作為代議士我make我個point ，你唔好理我表達方式係點樣，I make my point，我已經落到會裡面講，亦都唔係鬼鬼祟祟、藏頭露尾表面唔講，後面就做埋小動作。」

他再三強調，敢言是其風格和性格，形容路見不平、拔刀相助，「你都係想搵個代議士能夠為你出聲㗎嘛」，如果將民意「左耳入右耳出」會令市民傷心，譬如油價急升令物流貨車司機收入驟降三成，認為議員需要感受他們的痛苦為其表達意見「「我講呢個係事實嚟㗎嘛，全世界最高喺我哋呢度（油價），咩解究咩原因？」他又反問：「呢啲point都好得體，作為內副之後我就唔應該講呢啲說話咩？」

否認「辣㷫」陳茂波 稱每人表達方式不同

有報道指何君堯在《財政預算案》中不投票「辣㷫」陳茂波，故遭對方以「無關痛癢」回敬。何君堯就認為，陳茂波未必不喜歡自己，解釋當初說「無關痛癢」的意思是「我嗰票好輕鬆啫嘛，唔會左右到大局」。

對於陳茂波引用「無關痛癢」回敬，何君堯認為每人表達的方式不同：「佢用我呢句嘅時候，合唔合適佢自己諗，但佢認為話何君堯就算唔舉手，都唔會影響到大局，可能佢咁諗呢？可能事實上係㗎，冇乜問題，好少事咋。」

何君堯坦言「Not hard feeling，都好多唔同說話我都聽慣」，重申自己無意「辣㷫」任何人，亦不覺任何人「辣㷫」自己：「我都係講量入為出，我善意提點佢注意量入為出，講嗰啲事實嚟嘛。」