【宏福苑五級火】宏志閣退休居民新裝修遇大火 嘆回憶帶不走冀獲政府收購
林小姐
【獨媒報導】政府早前公布假若6月底前，七成半宏志閣居民願意出售業權，會將其納入收購方案。宏志閣住戶今日起再次獲安排上樓執拾。在大火後暫別宏福苑半年，已退休、宏志閣低層林小姐今日重踏家門，形容百般滋味在心頭，有很多回憶在屋企：「唔知點樣個心都係好沉重，點都放唔得低。」她指大廈外牆未完成維修，假若日後只剩下單幢樓，屋契、管理問題等未明，因此希望將宏志閣單位業權售予政府。
宏志閣居民今日起第二次上樓執拾，林小姐今次取回部份衣物、畢業證書、工作獎項和紀念品，並按社工建議在下次上樓，才召喚搬屋公司運走餘下物品，「執就執唔晒，始終都係幾十年嘅家，乜嘢都喺度，乜都想拎，但係攞唔走⋯⋯我裝修完係新㗎啲嘢，都係未攞得走，又剩返好多回憶喺度。」
剛裝修置新傢俬 嘆「人算不如天算」
在宏福苑大維修期間，林小姐的單位正進行裝修，並添置了新傢俬：「因為我都退休，我都唔想再咁飄泊，所以我先裝修好嚟住，估唔到依家人算不如天算，都諗唔到有一場咁樣嘅災禍。」
政府早前公布假若6月底前，七成半宏志閣居民願意出售業權，會將其納入收購方案。林小姐就指大廈外牆未完成維修，如果日後只剩下單幢樓，屋契、管理問題未明，因此希望將宏志閣單位業權售予政府，並希望當局盡快為居民安排其他長遠住所。
被問到是否希望舉行業主大會，林小姐就嘆一口氣指「依家頭腦好混亂，我都唔會諗到太多嘢」，當下只希望盡快安頓。
張先生
欲獲收購不望開業主大會 「仙女散花咁點開呀？」
另一宏志閣居民張先生，他本身從事五金，上樓前稱已當作今次是最後一次回家。他已列好清單，希望能執拾墊床、鋸床等工具，預計三小時應該夠用。他同樣希望獲政府收購業權，指宏志閣「伶伶仃仃得一座，好多嘢都要整」，並擔心將來工程沙塵滾滾。
對於合安在昨晚的簡介會上，未提收購宏志閣方案，只提及修葺計劃。張先生就稱「本身無咩諗法」：「都係睇政府，我哋呢啲市民有咩辦法啫。」被問到是否希望舉行開業主大會，張先生就形容居民如「仙水散花」：「點開呀？啲人都打散晒！」他認為，舉行業主大會的機會已不大，自己亦無疑問需要解答。