【獨媒報導】父母在大火中離世的遺屬蘇曉峯是宏志閣居民，今午和親友上樓收拾。合安昨天舉辦業主簡介會，提及宏志閣修復等安排，蘇先生逐點反駁。合安指修復宏志閣需最少九個月和3千萬元，而公共維修費由其他七座攤分「未必公平」。蘇先生批評政府用10億元收購，卻不願花3,000萬元修復宏志閣。而且政府收購其他座數後會成為最大業主，不存在與原有業主攤分公共維修費。他又指原本宏志閣維修工程擬在今年2月完成，質疑修復需時九個月的說法。

蘇先生上月曾上宏昌閣收拾罹難父母遺物，他形容兩次上樓心情對比大，「上次上去係好傷心好想見返父母嘅嘢。今次我係好憤怒：你點解可以對災民咁無情？成日話情行先。真係好嬲，好似當我哋地底泥，究竟你想點樣糟質我哋？」

批政府用10億收購 拒承擔3千萬修復

合安表示修復宏志閣需花費至少3,000萬元，蘇先生批評當局或要業主自己承擔費用，反問：「你唔肯花$3,000萬去維修，但就肯用$10億收購我哋宏志閣，個道理喺邊度呢？」他本來就不滿政府用善款收購業權，至今仍未提出用於修復宏志閣更令他不解，「啲善款係熱心嘅市民畀我哋去重建或者維修宏福苑，點解你又唔用呢？」

宏志閣復修費用涉及公共地方，合安卻指由其他七座分攤「未必公平」。蘇先生駁斥指政府收購其他座數後已成為大業主，不應由宏志閣獨立承擔之後的管理費用。

蘇先生亦不忿宏福苑公共設施已被拆卸，「你有冇問過我哋業主？而家變咗個工地咁，究竟係咩理據去拆？救火嘅時候都冇需要拆。」

質疑修復需九個月 指原擬2月完工

合安指宏志閣3分之2外牆工程未完工，或出現滲水甚或外牆剝落。蘇先生質疑肉眼可見紙皮石已鋪設一半，批盪亦已完成，「點解佢仲講（淨）係做咗3分1呢？」他也不解修復需時九個月說法，「宏志閣如果唔係火燭，我哋2月已經完工。」

批拖延業主大會 「拖到我哋賣晒業權？」

蘇先生批評合安一直拖延不召開業主大會，要求合安盡快跟法例開會，「佢拖到幾時呢？拖到我哋賣晒業權？你買咗業權唔使開㗎喇！」他希望會上討論切身議題，認為決定是否賣業權前，合安要交代更多資料，包括交代驗樓報告。

嘆業主返家多阻撓

今次返回宏志，蘇先生數次表示「其實我想返去瞓覺，我真係唔想執」。他解釋上次要拿走生活用品，但今次上樓因宏志閣前路未定，未知能否回去住，令他部署收拾上感矛盾。

蘇先生指希望帶走自己送給妻子作為求婚禮物的一部琴，不過現時住在過渡性房屋，未有空間安放，只能先擱置。

蘇先生表示宏志閣是自己一手一腳存錢買回來的海景單位，「我哋唔去旅行死慳死抵，希望有自己安樂窩，一場人禍令我哋失去咗。」

就算今次收拾時間比上次增加至3小時，蘇先生慨嘆：「你係要我搬屋喎，3個鐘係點都冇可能夠。」他指業權在自己手上，「難聽啲講，我上咗去唔走，鎖埋道門，你奈我咩何呢？你用咩法例去唔畀業主喺個單位入邊？」

他續批評回家要施加不同限制是「荒謬」，「我哋返自己屋企，你要登記要申請，限你幾多個人。咁我哋嗰座係冇問題㗎嘛，點解要咁樣去為難啲業主呢？係好唔 make sense。」

兩次上樓 悲傷變憤怒

蘇先生上月曾上宏昌閣祖家收拾罹難父母遺物，他形容兩次上樓心情對比大，「上次上去係好傷心好想見返父母嘅嘢。今次我係好憤怒：你點解可以對災民咁無情？成日話情行先。真係好嬲，好似當我哋地底泥，究竟你想點樣糟質我哋？」

最近疲於奔命要處理兩邊單位後續，蘇先生慨嘆「從來都未試過咁忙」。不過他仍表示兩個單位都不希望賣業權，「呢個始終係我哋嘅根。我絕對唔係上去道別。」

版權: 
禁止衍生