【宏福苑五級火】合安入稟要求延遲召開業主大會 居民：梗係唔得
【獨媒報導】宏福苑業主立案法團管理人合安管理有限公司原定周三（13日）前要通知居民業主大會的時間，及下月13日前召開大會。《獨媒》昨日報道，合安已入稟土地審裁處，要求延遲召開業主大會。宏志閣居民羅小姐表示「梗係唔得」：「仲延期梗係唔可以啦！6月30已經deadline（賣業權），冇理由等deadline之後先再講，已經係廢話。所以嘢都應該速戰速決，你搞到所有人都流離失所。」
宏志閣居民今日繼續上樓執拾，居住在宏志閣中層的羅小姐，她與家人張小姐已同住10多年，因要顧及上班交通，現時分開安置。在搬入宏福苑前，羅小姐已居住在大埔多年，希望日後可以繼續居住在宏志閣：「呢個係你屋企，就係咁簡單。」
對於合安入稟土地審裁處，要求延遲召開業主大會。羅小姐表示「梗係唔得」：「仲延期梗係唔可以啦！6月30已經deadline（賣業權），冇理由等deadline之後先再講，已經係廢話。所以嘢都應該速戰速決，你搞到所有人都流離失所。」
她又希望，能在業主大會上討論安置問題，「依家最緊要有個家嘛」：「你所有嘅要求，應該係俾返宏福苑所有嘅居民意願（決定），並唔係你哋去幫佢哋去決定。你唔係求其塞幾樣嘢俾我，我就要去接納。」
資料圖片
業主批政府大石砸死蟹 「我哋唔可以講任何嘢」
對於宏志閣的復修費用達3,000萬元，羅小姐稱擔心全部要由業主負擔，指之前已要夾錢大維修，認為復修費應由政府支付，「如果唔係佢勒令要大維修⋯⋯原來所有嘢咁得過且過，如果唔係都唔會釀成今日嘅悲劇。」
政府昨日重申，假若宏志閣75%業主同意就會納入收購。本身是單位業主的張小姐，她同樣希望返回宏志閣居住，形容政府做法是「大石砸死蟹」：「只係佢講，我哋唔可以講任何嘢。所以會更加firm 我想留返喺度。」她指其單位是全海景，上班交通方便，而原區安置選項的頌雅路西則位置不便，選擇安置到後者是「冇可能嘅事」。