【獨媒報導】宏志閣居民今日繼續上樓執拾。Feon今早與父母上樓執拾時，將兒子的畫作貼在窗邊，表達想回到宏福苑居住的願望。她落樓後接受訪問並感嘆，有感現時「好難發聲」，且業主大會舉行無望，唯有靠在窗邊貼畫、受訪來表達心聲：「話俾出面嘅人聽，其實居民點諗。」她又質疑政府動作太快，指賣不賣業權是重要決定，但現時連「買棵菜都不如」：「你買棵菜都可以攞上手睇，依家係乜都唔知道唔清楚。」

拍下熟悉吐露港風景 盼再回家因未能放下：「望到幾多次就幾多次」

從小在宏志閣長大的Feon，今日和父母、妹妹回宏志閣「娘家」執拾。Feon說，上樓前穿過屋苑公共空間時，媽媽因見到面目全非，心情較激動，她自己則因為是近期第二次進入屋苑，心情相對輕鬆一點，便對媽媽說「我哋終於返屋企啦」。

回到家後，Feon除了貼畫、影全家福，又拍攝了多張窗外風景照片。她說雖然已經很久沒望到吐露港風景，但今日再看時，感覺仍然很熟悉，「走之前有同媽媽講，你再望吓啦，唔知幾時再望到。」她又說，最不捨得家中的客廳位置，因她長大後每次回家時，都會在客廳齊人食開年飯、坐在沙發影大合照：「見到空寥寥、個沙發冇晒嘢。會有啲感觸。」


相片由Feon提供

Feon提到，父母上次執拾時已帶走不少物品，加上他們本身較「斷捨離」，今次帶走的東西亦不多，預計不需再回家執拾。不過，如果有機會申請第三次上樓，她自己仍想回家「望吓」，希望能坐下來發發呆、看看窗外的風景：「望到幾多次就幾多次啦⋯⋯無㗎，諗吓以前啲生活都得㗎，如果可以逗留耐啲嘅，我仲想有個連結喺度咁解啫，我暫時未好放得底。」

質疑政府動作太快 指「連買棵菜都不如」

政府昨日起向宏福苑業主發「收購建議信件」，宏志閣如在6月30日前，獲75%業主同意出售業權，否則不會納入長遠安置方案。Feon表示據其接觸的街坊，均「唔想買住」，重申當局應該給予居民更多選擇，包括出售業權、原址重建及修復入住等。她質疑政府動作太快，「催得好緊要」、「我驚我哋會做錯決定」：「應該會有啲人為咗快，而做錯咗人生好重要嘅決定。」

記者關注其會否出售業權，Feon稱「要諗好多嘢」：「好多人話買樓唔係買棵菜，我哋依家連買棵菜都不如，你買棵菜都可以攞上手睇，依家係乜都唔知道唔清楚。」她形容即使是「樓換樓」方案，居民更被政府「扣押財產」，「跟住叫你買咗棵菜佢」，質疑並非對等及公平交易：「我係咪一定要賣，先至可以攞返銀包入面啲錢呢，我覺得係好唔對等囉。」

嘆居民感無助 「議員去晒邊又唔知」

Feon 指居民在大火後不但遭「扣押財產」，連索取法律意見亦沒有援助，「議員去晒邊又唔知」，政府最後卻可以透過立法收回居民單位：「「呢個交易係好唔對等，我哋係好無助。」她坦言沒有相關專業知識，政府的文件亦在日前才寄出：「其實換樓換啲咩，到呢一刻，甚至記者你哋都唔清楚。」

有記者問會否希望「返去住」，Feon就稱「想㗎」，重申宏志閣沒有受災，只要清潔及打掃單位便能入住：「慳返唔少公帑，點解又唔做？」她最後強調，舉行業主大會十分重要，讓街坊真正有得揀，惟居民現時卻沒有其他選擇，只能選擇賣或者不買。

版權: 
禁止衍生