【獨媒報導】今日是宏志閣居民第二輪上樓最後一日，李小姐與家人今早帶蛋糕上樓，慶祝爸爸正日生日。她上樓後向記者分享，一家人回家切蛋糕影相，開窗看風景，但坦言「唔可以話快樂，即係人哋happy birthday，其實唔能夠用happy去形容⋯⋯你問任何一個喺入邊嘅人，佢哋都唔能夠答到你係開心，我哋全部都係唔幸運嘅一群。」

她向記者展示一家人慶生的照片，一家人一起指向牆上的標語：宏福永遠係我地屋企 不捨不棄。

李小姐執拾了兒時在大埔公立學校的校裙，笑說「呢套校服係經典嚟，已經係古蹟，因為佢已經轉咗名，而家連學校都話要搬走嘅時候，對於我哋喺度長大嘅人嚟講，都係一種遺憾，所以真係希望返返去住。」她提到家中仍有不少物品，「其實我哋仲可以返上去住，點解要拎晒落嚟？」

無標題

返回家中期間，李小姐說他們開窗看風景，笑言「我哋係無敵大海景，冇遮冇擋完全望正回歸塔，一個好靚嘅風景、好靚嘅地方」，並一起懷緬過去。回想起曾經在單位養過寵物，以及人生不同階段，包括家姐及自己出嫁，「好多好重要嘅時刻都喺入面發生。」

無標題

不敢貼標語表達訴求

政府以10億收購宏志閣，李小姐不解為何善用不能用作支付宏志閣約3,000萬維修費，「點解唔用呢啲善款做返呢件事，等我哋入返去住呢？我哋屋企好靚，好多人屋企喺宏志裡面仲好住得，咁點解逼我哋又限時限刻，用啲時間管制我哋，點解我哋喺呢個地方長大嘅人，都冇我哋自己嘅選擇方式。」

無標題

她提及另有單位在宏福苑，一個月內多次上樓令居民相當吃力，「基本上體力未能恢復，又要行樓梯級，明明我哋屋企嚟㗎嘛，點解要咁做」，希望政府盡早給予合適方案讓居民選擇。

李小姐坦言未敢窗外貼標語表達訴求，「擔憂嘅嘢唔方便喺度講，所以屋企入邊嘅嘢仲話到事嘅時候，我哋會喺屋企入面，表達吓對屋企嘅感覺。」有記問到會否感覺白色恐怖？她稱「唔回應」。

感激林家謙創作《將過去》鼓勵

身為CLS（林家謙粉絲）的李小姐，非常感謝偶像對居民支持，「佢一開始都俾咗好多support我哋，好多鼓勵」，並分享林家謙為居民創作歌曲《將過去》：「無從振作 在問天可靠誰，如常拼搏 熱淚拭乾 心卻很碎，如何振作 就別急於面對，無論是多少片刻絕望 也將會是過去」，笑言「好feel到佢同我哋同行」。

她今日特意穿上林家謙演唱會限定版Tee再戰上樓，「上次都係着住佢件衫，當家姐執到好多嘢，所以今次專登着返呢件衫，好似有佢嘅陪伴咁樣。」

無標題