【獨媒報導】宏志閣居民冼小姐一家上周三（5月13日）曾上樓執拾，今日成功向「一戶一社工」申請再獲上樓。冼小姐稱非常開心政府聽取民意，今日會取回爸爸遺物及媽媽嫁妝，笑言「政府終於有聽民意俾我哋上多次樓」，不過她亦指「但係呢政府硬係有少少嘢聽唔到，緊係業主大會啦。」

冼小姐指，不少居民要求「合安」協助舉行開業主大會，討論包括宏志閣需要維修項目、如何釐定維修費、火險賠償是否足夠，以及能否動用善款支付等。

當局稱宏志閣變成「單幢樓」，管理費將十分昂貴。冼小姐則坦言望清楚得知實際費用：「俾我哋知道個數，先知去唔去留㗎嘛，成日都話好貴㗎你哋啲管理費，自己又要搵承辦商、供應商幫你哋做個維修保養，我哋都想知道around大約個價錢，都要有個心理準備。如果我哋confirm咗呢個價錢比到嘅我哋梗係留，但係如果呢個價錢係天價嘅俾唔到嘅，咁我哋再諗吓有啲業主真係俾唔到需要走，到時喺業主大會度，仲好㖭1,984個一次過俾晒意見政府賣定唔賣。」

冼小姐一家

居民盼官員出席業主大會助合安釋除疑慮　

她期望「合安」協助相約高官舉行業主大會，解答居民所有疑問，重申「政府做得好好，實施都好好嘅，係啲官員唔理想啫。」冼小姐又指，如地產商有興趣，亦可參與大會，與所有業主一同商討收購價。

發起聯署召開業主大會的宏福苑居民江祥發，被指涉嫌詐騙政府「百分百擔保特惠貸款計劃」被捕，問到會否擔心再沒有居民爭取？冼小姐指「我唔係好驚政府話唔可以開大會」，指居民一定有自己的疑問，「好似我咁都諗到四、五個疑問」，強調居民僅希望「合安」在業主大會解答疑問，讓居民有更多資訊決定是否出售業權。