【宏福苑五級火】妻子遺物不翼而飛 宏志閣住戶：流離失所仲要被趁災打劫
【獨媒報導】繼有未受大火波及的宏志閣的住戶單位疑似被非法闖入後，再有街坊向《獨媒》表示，其家中的金器不翼而飛。由於屬妻子遺物，深感對不起太太。
宏志閣居民馮先生向《獨媒》表示，去年12月首次上樓時，由於只有一個半小時，時間緊迫，只能清理家中垃圾及帶走重要藥物。日前第二次上樓時，他欲把放在黃色行李箱內的金器帶走時，才驚覺金器已不翼而飛，「係一對金手鈪，呢個係我太太嘅遺物，仲有一個財神金牌，地鐵紀念票，都係值錢嘅。」
最讓馮先生感到「離奇」的是，他家的大門從沒被爆破，門鎖也沒有毁壞痕跡，他回家時也是一如以往用鎖匙開門。他不解地說，「好傷心，我哋已經流離失所，雖然我哋無燒到，但你見街坊（間屋）又燒咗，又親人離世，唔知點解嗰啲人可以做得到趁災打劫。」
該些金器是馮先生去世六年的太太遺物，已就事件報警，「喺警署時佢（警察）問多兩問，我都忍唔住（喊），因為其實都好對唔住太太，啲嘢無端端唔見咗，係佢留畀我，真係遺物。」
「希望政府做好啲 唔係只係買業權」
馮先生自知成功找回失物的機會微乎其微，但亦希望「畀政府知道吓」，「政府做好啲，對於劫後災民有啲妥善啲嘅安排，唔係只係買業權，應該多啲關心我哋。叫我哋賣咗先可以揀樓，其實唔係好公平。」
行政長官李家超日前在記者會上，被問到會否要求管理人「合安」舉行業主大會，僅稱「相信事情會依法處理好」。馮先生則指：「我都唔知佢答咗啲咩，究竟開唔開，點樣開。好似交咗個波畀『合安』，但你係 boss 嚟，你係話事，咁點解唔開呢？」，「真係由居民手寫（意見）落張紙度投票，咁先真係公平㗎嘛。你而家唔開，又有死線，真係迫到啲居民好心慌。」
宏志閣單位在馮先生心目中，是他的祖屋，「係我阿爸阿媽用血汗錢供返嚟，我而家都62歲，裡面好多共同回憶。」他傾向原址居住，亦不認同「樓換樓」方案，認為並不公平：「我住開500呎，你叫我揀300呎仲要補錢。係咪應該畀返相同呎數我？」