【宏福苑五級火】宏仁居民不滿選現金收購即失租金津貼 指「政府啲樓全部揀唔落」
【獨媒報導】宏福苑七幢大廈居民今日起第二輪上樓，居住在宏仁閣低層的余太，其單位完好無缺，未有遺失任何財物，笑言「掛咗半年㗎啦」。對於政府的安置方案，她指只能無奈接受，指政府在去年12月公布發放為期兩年的租金津貼，解說員早前曾向其表示，假如選擇現金收購業權，便會即時停止租金津貼，「我覺得好唔fair呀」，而選擇「樓換樓」及「特設銷售計劃」則可獲資助至上樓。
對於選擇現金收購方案，便失去租金津貼，余太在接受記者訪問時稱曾向解說隊查詢，當時僅獲對方回覆：「我唔知，我上頭就係咁話。」她認為非常影響選擇方向：「咁我攞錢去買樓，你都俾時間我搵樓，我搵樓就算唔裝修，我都要自己執吓間屋，咁都要時間㗎嘛，咁嗰段時間點啊？我要搵錢去租屋啦喎？」
余太
質疑政府打亂計劃 與家人再商量計劃
余太亦不解指，政府曾稱會給予居民兩年租金津貼，在選擇現金收購方案後，便失去租金津貼資格，形容「打亂晒計劃」：「我咩都唔想揀，基本政府嗰啲嘢揀唔落嘅，政府啲樓全部揀唔落。」
她表示或選擇私人市場購入單位：「我女慢慢供啦，因為我都幾廿歲囉，點供啫！我呢層樓三十幾年前已經供斷咗，我依家冇咗層樓，係咪打斷晒我所有退休計劃？」
因要到大埔區內覆診 盼原區安置
對於政府未補地價單位收購價每呎8,000元，余太則稱「我由頭到尾都諗過冇過賣」：「點會補地價啫？我都係諗自住到第日百年歸老，所以邊夠錢買樓呢？」然而，她指在查詢樓價後認為，本港地產樓價太高，根本無法購入其他單位，將與家人商量是否接受政府安排。
此外，政府計劃優先讓宏福苑居民選擇入住大埔頌雅路西居屋單位。本身患有長期病兼行動不便的余太，她就擔心「冇咁長命」，指頌雅路西項目最快在2029年才落成自己亦要恆常回到大埔區內覆診，強調必須原區安置：「我唔希望離開大埔，我成日都要覆診，我個個月都要去，咁我點啫？同埋我哋幾廿歲轉地區好辛苦。」