【宏福苑五級火】宏仁居民批政府安排剝削 促舉行業主大會：無可能發生咁大件事，一路拖住唔開
【獨媒報導】宏福苑七幢受災大廈居民今日繼續上樓執拾，宏仁閣居民黃小姐批評，政府的安排十分剝削及逼迫：「唔好囉總之，唔夠時間執嘢固然之係。正如好多居民講，啲嘢係我哋資產嚟，間屋係我哋資產嚟，點解我哋唔可以返去呢？」黃小姐又表示，政府必須舉行業主大會：「無可能發生咗咁大件事，一路拖住唔開業主大會。」
黃小姐今早上樓執拾，她接受訪問時指其單位在大火中未有受災，但指上樓後「好多嘢都唔係好攞到，就好難過」。她批評政府的所有安排都十分剝削及逼迫：「唔好囉總之，唔夠時間執嘢固然之係。正如好多居民講，啲嘢係我哋資產嚟，間屋係我哋資產嚟，點解我哋唔可以返去呢？」
她質疑政府「擔心居民安危」的說法，指居民自己亦不擔心個人安危，「點解仲要唔俾我哋返去呢」，並對有居民財物遭盜竊感到憤怒，「其實樣樣嘢都係硬食囉」、「安排失當」：「樣樣嘢都淨係諗佢自己（政府）方便，係無諗過情。我唔覺得有情，你問我，我覺得法都未必有。」
指居民只希望取回應有權益 嘆聲音不被尊重
已居住在宏福苑42年的黃小姐，她重申居民並不貪心，只希望取回應有權益，但就形容好艱難。她表示一直希望原址重建，包括在政府的問卷中反映，質疑結果未能反映實際情況。
談到長遠居住安排，黃小姐認為只有無奈，稱不少宏福苑居民均希望原址重建：「但我諗大家記者都見到，我哋所發嘅聲音，無論災前同災後都從來無人理，唔知可以做啲乜嘢囉依家。」她慨嘆宏福苑居民的聲音不被尊重，「心情好唔識講」。
被問到政府安置方案是否少數服從多數，黃小姐同認為居民不被尊重，居民應有的權利遭政府剝削，包括舉行業主大會，「但係無得say囉」。至於是否選擇「樓換樓」，黃小姐就稱「仲未諗」。
轟政府「成日都話有好多好多choice」
跟不少居民的意願一樣，黃小姐同要求舉行業主大會：「無可能發生咗咁大件事，一路拖住唔開業主大會。」她再三強調，舉行業主大會是居民應有權利：「上次聯署都超過12%，但最終又唔開業主大會，所有嘢都係佢講佢定，但就無我哋災民親身嘅聲音，好多嘢都要公開公正公平，但我諗宏福苑居民都感受唔到呢樣嘢，都睇唔到呢一樣嘢。」
對於舉行業主大會，黃小姐認為有助居民作出選擇，炮轟政府「成日都話有好多好多choice」：「但其實根本得一個choice，根本淨係得賣業權一個choice，根本就無得揀。」