【宏福苑五級火】居民指三個option為「賣業權、賣業權同賣業權」 盼增原址重建作選項

【獨媒報導】宏福苑居民今日繼續上樓，宏仁閣居民胡小姐指「今日好開心，因為好好天，我好想望下我屋企個景。」她稱今日配戴一個得意的襟章，叫「Time to go home」，「真係Time to go home，去再上去，再懷緬再執拾。」

胡小姐提到上次只帶走少量物品，「今次一定係要衝衝衝衝」，盡量將家中物品全部執拾，盼能獲安排再次上樓，「真係慢慢去欣賞，係屋企可以做乜嘢都好。」

對於未來計劃，胡小姐嘆道「其實大家可以點呢……賣業權、賣業權同賣業權，咁所以呢三個option裏面，揀一個option都係揀嗰個」，期望能有多一個option，便是原址重建。她現時先集中處理上樓執拾，再慢慢研究收購建議書。

胡小姐一家在上樓前先合照，原因為其父親無法上樓，「辛辛苦苦供咗層樓，點知而家化成灰，所以好想喺呢一座樓一齊影番張相。」

胡小姐家中有一座鋼琴，她明言無法搬走，只能將其留在家中。

至中午時分，上樓時段即將結束，胡小姐從家中窗口探頭，向樓下記者展示一張毛毛蟲攀爬架繪圖及「我❤️宏福」的字句。