【獨媒報導】宏福苑宏盛閣的張小朋友，去年11月25日剛度過7歲生日，屋苑翌日便發生五級火警。他直到今日（5月23日）才再次回家，取回生日禮物和心愛玩具、參加活動的獎牌。

張小朋友純真說：「好想 stay 宏福苑，但無辦法。」張爸爸表示「政府好好，安排晒所有plan畀我哋ABC⋯⋯但我哋想要其他Option。」他重申不少居民望原址重建，「真心希望有個平台畀居民表達自己意見。」

張小朋友就讀大埔浸信會公立學校，就正在宏福苑旁邊。他憶述當日放學後回到屋苑，在樓下目擊大火，「嫲嫲即刻帶我返佢屋企。」嫲嫲的家鄰近宏福苑，他搬椅子到窗邊，一直留意火勢發展。

今年四月，張小朋友的父母上樓，他與姊姊也希望同行，不過社工不建議家長帶年幼小孩上樓，至今日張小朋友才在大火後首次回家。


張小朋友取回的物品

他形容，大樓樓梯滿佈灰塵，家裡變得髒亂。不過，張小朋友仍望有機會再次回家，亦不希望搬走，「因為有好多傢俬喺裡面，啲梳化係可以郁，我哋成日都攞被出去睇劇，可以睇YouTube嘅。」

不過他亦知道回家長住機會渺茫，「好想 stay 宏福苑，但無辦法。」

張家12年前為接近家人，租住宏福苑單位，2年後購入宏盛閣4樓單位，張太指當初喜歡宏福苑才決定置業，她明言對於政府發出的出售業權意向書無法落筆，所獲的賠償亦無法購得相同面積的單位。


張太

張先生則表示「政府好好嘅，安排晒所有plan 畀我哋，ABC。」「如果係小朋友梗係好啦，我哋大人嚟㗎嘛，我哋成人業主嚟㗎嘛，我哋唔係淨係要 ABC Option，我哋想要其他 Option」。他指不少居民盼原址重建，奈何無可能發生，只由衷希望能有平台讓居民表達意見。

被問到日前「合安」舉行的網上簡介會，張先生坦言只聽一半便關掉螢幕，「街坊舉手被ignore（無視），問嚟問去都係嗰啲問題。如果再做呢啲『簡介』嘅話，唔好晒我哋時間」。