【獨媒報導】居於宏仁閣的溫先生今日上樓，提及業主大會問題。他指法團理應根據法例召開業主大會，「呢啲係嗰個法律嚟㗎嘛，唔需要多講囉。」他無奈指居民已經盡力爭取，但如果最後仍無法召開業主大會，亦「無話可說」，「我哋只係平民嚟㗎嘛」，「咁我哋仲可以做到咩，咁我唯有聽天由命囉。政府想做啲乜嘢嘅我哋都管唔到。」

溫先生認為，業主大會可討論居民的安置方案和出路。居民出售業權後，將各散東西，「咁已經散晒啦，咁仲可以可唔可以發言呢 ？仲可唔可以仲有權去再講嘢呢 ？」

他明言，居民和死者都需要一個道歉，「死者要一個公平嘅合理嘅道歉，咁有冇呢 ？」溫先生稱，重點不在於是否承認事件屬人為，「其實而家開咗個聽證會啦 ，咁你個政府你覺得有啲咩人係做錯呢 ？如果係成班都人冇做錯嘅，咁咪唔需要道歉囉，咁唔需要道歉咁即係呢班人枉死囉，好簡單嘅啫，咁你認為冇人錯嘅，咁咪枉死囉！」「如果唔承認嘅、係意外嘅，咁冇嘢講囉。」

對於安置，溫先生稱目前選擇不足，「樓換樓」方案需要經過抽籤，亦需額外補錢。此外，宏福苑居民多已上年紀，難再供樓。他促增加賠償金額，讓居民在自由市場解決問題。