【獨媒報導】宏福苑居民周四（5月21日）起一連九日再獲准回家，昨日有居民受訪呼籲街坊向前看，盡快賣業權，又指捐款「多到我哋使唔晒」，自言幸運。

宏仁閣居民梁先生今日（5月23日）斥該名居民言論令街坊震怒，反駁指金錢不能撫平傷痛：「如果佢想表達『我好缺乏金錢、我好想盡快攞個物業』，呢個係你嘅個人選擇，但對於嗰啲一家人都死埋、畢生嘅積蓄或心力擺咗喺個家園，仲有好珍貴回憶喺度，你畀錢佢安慰到佢心靈咩？」

梁先生是主動向記者提及事件，指昨日在街坊群組看到該言論後，感到「相當唔舒服」，質疑該居民「好似講到做咩追究啊 」，形容其言論既涼薄又無人性。他指群組內同有其他街坊被觸怒，「佢哋真係瞓唔著覺，好嬲，喺個群組嗰度沸騰騰啊係咁鬧。」梁先生稱要代表街坊群組強烈譴責該居民。

他強調尊重街坊個人選擇，但批評對方沒有顧及該言論令遺屬非常傷心。「呢位居民好忽略咗家園盡毁、甚至會有親人傷亡嘅人，絕對唔可以用金錢賠償去彌補呢方面嘅遺憾。」他指自己的單位無被大火波及，無家人在火災中罹難，與該居民情況相似，「但我覺得一啲都唔幸福（幸運），有咩咁幸福（幸運）呢？你嘅家園有朝一日突然燒毁，就算得到賠償，依家唔係靠災難發大財嘅時間。」梁先生冀發表意見時要三思，金錢亦不可解決所有問題。

梁先生自廿多歲遷入宏福苑，居於宏仁閣25樓一個單位，見證大埔新市鎮發展，認為大埔是非常有人情味的地方。他在婚後遷出，每星期都會回來探望父母。他曾做心臟手術，不宜行樓梯回老家，今日只負責協助家人在地面運送物品。

對於「善款」被用作收購業權，梁先生指有相當多居民希望原址重建，唯其意願至今沒有被有系統記錄。「政府只係成日用一種成本論，『我覺得咁樣係不切實際』，總之盡快收咗你業權，你去第二度住咁就解決咗個問題⋯⋯即係唔係好見到情嗰個部份喺邊度呢」。他又提到，獨立委員會聽證會揭示一小撮不稱職公務員令整個團隊蒙羞，期望行政長官李家超檢視公務員系統問題。他與其他居民亦期待調查委員會報告，希望不會如南丫海難調查般只有死因裁決，「俾一次傷害、二次傷害、三次傷害，你係咪覺得居民好長命？仲未激得死呢？」